سحر عينيك

الحلقة الـ٣٦

رواية سحر عينيك
الحلقة الـ٣٦
بقلمي سارة ياسين .

قلبي لاتنسون التصويت ، التعليق بين الفقرات ، مُتابعة لحسابي 🫶🏻 .

- يا بَعد هاي الولا تَرضا تَغمِض
جَنت أنامَن وگفة خاف يمَرني طَيفك .

___________________________

شاهين :- حچزت اسبوعِين سَفر علىٰ سويسرا

فتحت عيوني مصدومة من كلامه
ما چنت متوقعة يحجز النه علىٰ سفرة خارج البلد ؟
ما مصدگة لحد هسه علاقتنه لهل دَرجة تطورت .

اردفت مصدومة
وتين :- صدگ ؟

شاهين :- اي

وتين :- يمته السَفر ؟ وانتَ هماتين خياط جرحك ما شلته شلون تسَافر ؟ موزين عليك شاهين

شاهين :- يومين واشيله وبعدها نسَافر .

وتين :- عسل ويانه مو ؟

شاهين :- اي ما نگدر نعوفها وحدها .

سكت خجلانة
ما اعرف شنو سَبب السَفر ولا گدرت اتجرئ
واسئله .

باوع لي شافني صافنة عرفني بـ شنُو دا افكر .

شاهين :- لا تبقين تفكرين كلشي ووقته .

سكتت وعقلي يردد جُملته شنو قصده بكلامه ؟ شنو قصده بكُل شي ووقته ؟

شگد ما اريد افهمَه يبقىٰ غامض
شخصيته غامضة
ما تُعرف بـ شنو يفَكر
ولا شنو يدور بباله
حتىٰ ملامحه ما توحي بشي ...

مَر اليوم
ثاني يوم گعدت الصبح
باوعت علىٰ نَفسي نايمة علىٰ ايد شاهين وهوَ نايم بعُمق

الخجل احتَلني
اول مرة اگعد من النوم واني ويا شاهين علىٰ نفس الفراش ، متفاجئة بنفسي شلون تغير تفكيري هيچ !

ما بيوم چنت افكر
احب شاهين او انجذب اله حتىٰ
ولا توقعت بيوم راح نكمَل حياتنه سوية

توقعت فترة تمَر وتنسي السَالفة وكُل واحد منا يروح بطريقة وتتقاطع طُرقنه

بس الـ صار غير موازيني كُلها
شاهين الشخص الـ جنت اشوفه بارد ، مُستفز ، غامض شخص تركيبته غريبة
احبه ؟ وروحي تفرفح عليه من تأذه ؟

شلون هيچ صار ؟ شلون تفكيري تغير بلحضة وحدة .

تململت عسل بنومها
ابتعدت بسرعة من مكاني
واني افرك بعيوني واحس بروحي شبعَانة نوم كأنُ صار لي سنين ما نايمة هيچ نومة .

اخذت من سريرها وهيَ تريد تبجي
ابتسمت واني اشوف خدودها حمر من النوم والشفايف مُبرطمة وزعلانة

وتين :- اروح فدوه لهل جمال ، اكلچ هسه ؟ هاا

ادغدغ بيها وهيَ تبعد ايديها تضحك
نداريت علىٰ مكان شاهين ، لگيته مفتح عيونه والنعَس طاغي عليهم يباوع علينه