رواية سحر عينيك
الحلقة الـ٣٠
بقلمي سارة ياسين .
قلبي لاتنسون التصويت ، التعليق بين الفقرات ، مُتابعة لحسابي 🫶🏻 .
- الوَحيد الما عَرفت شلوَن أعَبرك .
_______________________________
صوت الهوىٰ عالي ، صوت العصافير طاغي علىٰ المكان
فتحت عيوني ببطئ والرؤية مغوشة علىٰ عيوني
فركت عيوني وفتحتهم
باوعت علىٰ نفسي واحس براسي وجع قوي
باوعت علىٰ الفراش مكان شاهين ما موجود بس فراشه مبين جان نايم هنا !
لزمت راسي قوي من الوجع
واريد اتذكر شنو صار البارحة ؟
عقلي مشوش حيل
بديت اتذكر مقتطفات من البارحة
مددت علىٰ القنفة
غفيت اي صح غفيت
بعدها شاهين شالني ! اخذني علىٰ الجرباية
بديت اتذكر كُلشي بوضوح ومصدومة
من تصرفي !!
هاي شسويت اني ؟ شلون أجتني الجرئة ؟
رجعت تذكرت من حضني
خليت ايدي علىٰ وجهي
غمضت عيوني خجلانة من تصرفي
واريد اضرب راسي بالحايط حتىٰ انسىٰ
شلون اشوفه النوب ؟ هسه شنو يگول عليه ؟
كُلشي مابيها وهيج سوت عمدتاً
تذكرت كلامه
شاهين :- كل ما ابتعد عنچ روحي تقترب اكثر .
عقدت حاجبي مستغربة كلامه !
جان يحجي صدگ لو اني بديت اهلوس ؟
اكيد اني اهلوس
شاهين البارد يحجي هيج ؟ طبعاً لا بديتي تهلوسين وتين ..
باوعت علىٰ عسل نايمة بعمق
تركتها نايمة وگمت من الفراش
جسمي خامل ودايخة ، دخلت سبحت واحس بروحي هسه ياله صحصحت
وگفت گدام المراية امشط شعري
فتحت تلفوني ، لگيت رسالة من شاهين قبل ساعتين
فتحتها ، كاتب
شاهين :- انه طالع للدوام ، يومين وارجع لا يبقىٰ بالچ .
اخذت نفس بأرتياح رب العالمين نقذني جنت مفكرة شلون اواجهه بعد السويته البارحة ..
گعدت عسل بدلت الها ونزلنه سوه
لگيت خالة والبنات يتريگون والولد وعمو طالعين
شافتني خالة ، صاحت لي
ام شاهين :- صباح الخير بنتي تعالي اگعدي
تقدمت عليهم گعدت عسل علىٰ الكُرسي المخصص الها
وتين :- صباح النور خالة ، اجيب لي گلاص واجي
دخلت للمطبخ اخذت الگلاص وگعدت وياهم ،حچت خالة
ام شاهين :- شلون صرتي بنيتي ؟ صعدت لچ قبل شوية جوان گالت نايمة ووجهه احمر
وتين :- اي صح خالة شوية تمرضت البارحة سبحت بمي بارد واخذت برد شوية
ام شاهين :- ليش بنيتي تسبحين بمي بارد اشو المي الحار ما يخلص وگعتي بيها انتِ
أنت تقرأ
سحر عينيك
Roman d'amourفتاة تعاني من التفكك الاسري لاتعلم من عائلتها بالضبط ولا تعلم ماهو الدفيء العائلي تبدأ صدماتها عند خساره المرأة التي احتضنتها وهي في عمر الطفوله ، تتمادى الدنيا معها لتتعرض الى خسارات عديده تنتج عنها فتاة مضلومه خاسرة ، تُطرد بلا مأوى ولا مسكن داف...
