سحر عينيك

الحلقة الـ٣٥

رواية سحر عينيك
الحلقة الـ٣٥
بقلمي سارة ياسين .

قلبي لاتنسون التصويت ، التعليق بين الفقرات ، مُتابعة لحسابي 🫶🏻 .

- حطني بكل عزة يَوازيك
أساچي ّ الفاچدات عيون .

_______________________________

بلعت ريگي ، جسمي رجف وگلبي دگاته سَرعَت عيوني مفتوحة علىٰ وسعهم مصدومة من كلمتَه .

نزلت دموعي أكثر
وهوَ نضراته استحلتني
ايده بعدها علىٰ خدي ، ميلت راسي عليها وغمضت عيني

جسمي جمد من كلمتَه ، بلعت ريگي وحچيت
وتين :- شاهين

اردف بنَبرة جنوبية
شاهين :- روحَه

وتين :- شنو قصدك بكلمتك ؟

ابتسم لي وصار نضره علىٰ عيني ينتقل بينهم
شاهين :- لأول مرة أهزم گدام عيون وعيونچ هزمتني .

عيوني الدَمع يلالي بيها والغصة بداخلي

شاهين :- صار الانفجار واخر صورة جانت ببالي هيَ انتِ ضَنيت بعد ما اشوفچ وانه ما معترف حسيت بغلاتچ مَن ردت اخسرچ ، وجهج صار گدامي
عيونچ الـ ضيعني صارن گبالي .

شهگت بالبچي
ما تحمَلت كلامها وعقلي يگول لو صاير له شي ؟ شنو اسوي ؟ شنو موقفي

شاهين :- عليش البچي

شهگت وحچيت
وتين :- خفت بعد ما اشوفك خفت صار لك شي بالأنفجار .

ابتسم واردف
شاهين :- چا لو مَيت شتسوين ؟

شهگت بالبجي
نطبگ الباب عرفت خالة وجوان عافونه وحدنه
وتين :- لا تحچي هيچ شاهين ردت اموت والله من خوفي عَليك

فتح ايده وأشرلي
شاهين :- تعالي

نزلت دموعي وتقربت عليه حضنته
حضنته وغمضت عيوني واني ابجي ما مصدگة شاهين گدامي وما بي اي شي

حضني وايديه حاوطتني
غمضت عيوني واستَنشقت عطره
بعدني عنَه شوية وايده علىٰ خدي ، نضراته تتفحص كُل أنش بوجهي

شاهين :- جنت بعيد علىٰ الحب ، گلبي ميت ورجعتي حيّتي بعيونچ .

سكتت ما عَرفت شنو أرد عليّ
شاهين :- لا تبچين انه گدامچ وما بيه شي .

هزيت راسي ومسحت دموعي
ردت احجي نفتح الباب ودخل علي
ابتعدت بسرعة منه خجلانه

ابتسم علي واردف
علي :- ها يابه نگدر نجي هسه ؟

خزره شاهين وعلي ضحك ، خجلت اول مرة نصير بهيج موقف
دخلت خالة وجوان وياها
بقت خالة تحجي وياه وتبچي ما مصدگة هوَ ما بي شي وهو يهدئها بكلامها

غمضت عيوني ممصدگة الي حچاه
اخذت نفس براحة
اعصابي ارتخت هسه ارتاحيت من شفته ، ما جنت اطمئن من كلامهم اذا ما اشوفه گدامي .