سحر عينيك

الحلقة الـ٤٠

رواية سحر عينيك
الحلقة الـ٤٠ ما قبل الأخير
بقلمي سارة ياسين .

قلبي لاتنسون التصويت ، التعليق بين الفقرات ، مُتابعة لحسابي ♥️ .

- "قلبي في أمان معك و هذا أدفئ
ما يشعر به المرء ما يعيش عليه ❤️ .

____________________________

اردفت بهدوء
دينيز :- وعَليكم السَلام .

طلعوا أهلي وتركونه وحدنه
مشاعري جانت مُضطربة بين
الفرح والقلق
التوتر والراحة
الخجل والهدوء .

رغم ملتَقية بي اكثر من مَرة بَس ما گعدنه بهل قُرب ابدًا دائمًا شخص ثالث ويانه
وبأغلب المرات سبب التقائنه هيَ تبارك بسبب الدوام .

گعدنه علىٰ القنفة
نضري جان مُعلق علىٰ الأرض
ما اعرف شنو احچي او شنو اگول ، اول مرة أمر بهيچ موقف

ما حسيت غير صوته وببحة غربية اردف
تميم :- دينيز أبوية دحگيلي

رفعت نضري عليه
چانت نضراته محاوطتني وعيونه تباوع لي بنضرات حلوة ، احسَاس حلو مَر عليه بهاي اللحضة

خاصتًا لهجته
دائمًا اصفن عليها هل كُل اهل الغربية هيچ صوتهم بيها حلو لو لأن هوَ يحجيها احسها حلوة ومميزة ؟ .

تميم :- شلونچ يابه ان شاءالله زينة

هزيت راسي
دينيز :- الحمدلله بخير .

سكتت واحس بروحي توترت حيل
حسيته حس بتوتري وارتباكي ونضراته چانت تحاول تطمني

تميم :- تعرفين علىٰ شنو جايّن مو ؟

هزيت راسي واردفت مرتبكة
دينيز :- اي اعرف

تميم :- زين ، ابوية اعرف ببالچ اسئلة چثير علىٰ الموضوع وتگولين شلون عرفني تا تخطبني واني ما اعرفه چثير ولا اعرف شي عليّ

بلعت ريگي وداخلي مصدوم شلون قرأ افكاري ؟ وعرفني بشنو افكر
دينيز :- اي صح ، يعني ما اعرف كُل شي عليك

تميم :- ما طلبتي الا حقچ ، لهذَا انه طلبت من ابوچ تا اشوفچ ونتفق علىٰ الموضوع وتلگين الأجوبة الي ببالچ

فركت ايديا ببعضهم متوتره
باوع عليه واردف
تميم :- هسَاع انه گدامچ ، اسئليني تا اجاوبچ

اخذت نفس عميق وزفرته
هذي فرصتي حتىٰ اسئلة كُل شي ببالي لأن الموضوع مو سَهل وحتىٰ ما اندم بعدين

دينيز :- ليش عايشين هنا يعني ليش ما عايشين بالأنبار ؟ انتَ مو منها

ابتسم واردف
تميم :- بلي ابوية انه من الانبار بس شغلي هين واختي ما اگدر اعوفها وحدها بديرتنه

دينيز :- شغلك نفس شاهين ؟ لو يختلف عنه

تميم :- لا نفس الشغل