سحر عينيك

الحلقة الـ٢٣

رواية سحر عينيك
الحلقة الـ٢٣
بقلمي سارة ياسين .

قلبي لاتنسون التصويت ، التعليق بين الفقرات ، متابعة لحسابي 🫶🏻

- حَمد غَنوك سكتة والثَمل شاهد
حَمد كلمن وَصل لهلة
وانة الضَليت وَحدي ولا الي واحد

________________

وتين :- أحچي زينب شنو الموضوع ؟ ترا قلقتيني والله

رمشت عيونها بتوتر والتردد مبين علىٰ ملامحها
اخذت نفس واردفت
زينب :- وتين اعرف كُلكم مصدومين ليش ما رايدته ! وليش هيچ نافرته ونافرة موضوع الزواج منه بس والله عندي سببي

احتضنت أيديها بين أيدية
وتين :- اي گولي شنو سببِچ حبيبتي ؟ شنو الـ خلاچ هيچ تتصرفين

اخذت نفس واردفت
زينب :- من چنت بلمدرسة چانت ويانه بلصف بنية والبنية چانت مشكلچية وبس تدور مشاكل من البنات كُلهم يعني الـ يمها والـ مو يمها تتحارش بيها

صرنه بلأعدادية چانُو الولد ما يتواجدون بلبيت
لهذا يخلون يا خط يودينه يا يشوفون ولد عمي نروح وياهم

فـ اكثر من مرة وصَلنة رائد للدوام
وبكل مَرة يوصلنه اشوف نضرات البنية عليّ
وهو ما منطي أي ردة فعل بس هي جانت العكس

دائمًا تحچي يمي وتگول ؏ اساس هو عنده علاقة بيها ويحبها ومن هذا الكلام واني للأسف ..

برطمت شفايفها ورجفت أيديها
مثل الـ دا تتذكر شي
خليت مسحت ؏ أيديها

وتين :- أي كملي

زينب :- للأسف چنت أحبه ، حبيته وتين چان دائمًا مبتعد وهادئ حيل يشبه طبع علي وشاهين
حبيت هدوئه
حبيت رزانته
حبيت كُلشي بي بس اخر شي طلع .

ضحكت بـ استهزاء وكملت كلامها
زينب :- طلع ياما تحت السواهي دواهي ، طلع ابو نسوان كُل همَ سوالف التافهين

عقدت حاجبي مستغربة كلامها
جان كلامها عكس كلام خالة والبنات عليّ!

وتين :- شلون اكتشفتي هيچ شفتي بعينچ زينب ؟

زينب :- ما حاجة أشوفه بعيني ، هه تدرين المشكلة وين ؟ تدرين ويا منو مسوي علاقة ؟

وتين :- ويا منو ؟

زينب :- ويا نفس البنية الـ چانت تتحارش بيه واكثر من مرة رادت تخليهم يفصلوني تخيلي ! وجان يعرف بيها لأن بوحدة من المرات هو جاي ياخذنه وسوت لي مشكلة لهذا هو تدخل وعرفها وسولفت له كُلشي

وتين :- زين بغض النضر علىٰ كلامچ انتِ والبنية بس هو جان مبين ألچ يحبچ ؟ يعني جان ملمح ألچ ؏ الاقل ؟

شهگت والغصة تارسة صدرها
زينب :- اي اي اعترف لي بحُبه و؏ اساس بس اخلص السادس يخطبني بس محد جان يعرف بهذا الشي بس اني وياه