سحر عينيك

الحلقة الـ١٨

رواية سحر عينيك
الحلقة الـ١٨
بقلمي سارة ياسين

- ‏أرفعُ رأسي للسماء
‏سوداء خالية من الغيم
‏أتضرع
‏أتأمل
‏وأفيضُ شيئاً فشيئاً
‏يارب أملاً حقيقياً
‏ولو كان
‏أملاً أخيراً
‏إمنحني أملاً لا يُحصى
‏نجنّا من اليأس
‏نحنُ عبادك قليلون الحيّلة..

_________________________________

نداريت عليّ ، اردفت بهدوء
وتين :- اي تفضل

اخذ نفس عميق وأشر علىٰ الكُرسي بمعنىٰ 'أگعدي '
احنه مخلين بلحديقة كراسي
لان أبوي كُلش يحبها ومعتني بيها

خاصتاً بليل دائماً نطلع نگعد بيها ..

گعدت علىٰ الكُرسي وهو گعد مقابيلي ، فركت ايديا ببعضهم بتوتر وارتباك

اول مرة راح نحجي وحدنه
بدون ما يگعد احد يمنه ..

اردف وهو يطلع جگارته راد يورثها باوع لي
شاهين :- خوما تضوجين منها ؟

وتين :- لا عادي دخن

هز راسه وشعلها ، اخذ نفس وزفرة
شاهين :- عرفتي شلون راح يصير الزواج ، عندچ شي على الموضوع

اردفت واني احرك اصابعي علىٰ ملابسي حركات عشوائية
وتين :- اي گال لي ابوي وعادي ماعندي مشكلة
اساسًا اني ما ردت نسوي عرس

جر نفس من الجگاره وهو مضيق عيونه
شاهين :- هذا مو حل ، صَح صار الزواج بهاي الطَريقة بس ماريد يبين اكو شي مو طبيعي بلزواج
أما بخصوص علاقتنه

ارتبكت من جاب طاري هذا الموضوع
كمل كلامه
شاهين :- كُلشي گدام الناس طبيعي أما داخل الغرفة
أي شخص ما أله حق يعرف بي ، فهمتي عليّ؟

تنهدت وباوعت له
وتين :- قبل لا تگول انتَ الشي الي داخل الغرفة يبقىٰ بيها ما يطلع

شاهين :- بنتي أخواتي وأمي همَ الي مربيها فـ ما يتغير هذا الموضوع أله أذا انتِ جنتي رايده تتقربين منها ، ماريد تربينها كم يوم بَعدين تجين تگولين لي تعبت من تربيت بنتك والخ..

اردفت معترضة علىٰ كلامه وطريقة تفكيره عليّ
وتين :- لا طبعًا عسَل من أول يوم شفتها حَبيتها وتمنيت تبقىٰ يمي فـ اكيد رايده اهتم بيها اني

كملت كلامي واني اباوع لعيونه لأول مَرة
وتين :- وان شاءالله تتغير نَضرتك عليّ بمرور الأيام

هز راسه ودخن اخر نفس من الجگارة علىٰ جَرة
وحده ! نصدمت معقولة ما يختنكَ ؟
اني من يمي مختنگه منها رغُم هو يزفر الدُخان علىٰ الجهه الثانية ..

باوعت له عيونه حمُر نفس يوم الخطوبة وأيده مبينه شرايينها رغم ما مبين عليّ معَصب
بس من ايده وعيونه عرفتَ گاعد يحجي وياي علىٰ اعصابة او صاير شي وياه ؟