سحر عينيك

الحلقة الـ١٩

رواية سحر عينيك
الحلقة الـ١٩
بقلمي سارة ياسين ..

قلبي لاتنسون التصويت ، التعليق بين الفقرات ، مُتابعة لحسابي 🫶🏻 .

- لمَحتلك الف مُرة
وانت تعَرف غِايتي ومَا طِاوعُتني
وسوَلفتلك سِالفه عَاشك خجول
وأنت تعَرف هِوة انة
ومَا عَرفتها وخجَلتنيّ
وسَولفتِلي اعَلة الحَربّ
والمَوت ، والدمَ ، والضَحِايا
وكلمَة الـ مَحتاجها ما سَمعُتنِي .

_________________________________

نصدمت مَن شفت أهلي كُلهم واگفين بلباب
ابوي
بيبي
احمد
غيث
زهراء
كُلهم واگفين بلباب ، استغربت وخفت صاير شي !

گمت من المراة واردفت مستغربة
وتين :- صاير شي ؟ ليش مجتمعين

ضحك ابوي واردف وهو يحضني
جبر :- يعني ما يصير نجي نگعد يم بنيتنه ألا اذا صاير شي ؟

اخذت نفس عَميق بعد ما جنت خايفة وابتسمت
وتين :- لا طبعًا بعيوني أخليكم بس لأن مجموعين خوفتوني ، خفت صاير شي .

باس راسي
جبر :- لا حبيبتي لتخافين ما صاير شي

گعدنه على القنفة وانا گاعده يم بابا وهو محاوطني بحضنه واحمد وغيث من الجهه الثانية ، عرفتهم يريدون يودعوني لأن اخر ليلة وياهم

گامت زهراء
زهراء :- هسه اجي

طلعت زهراء شوية وأجت جايبة اجباس وفواكه ونساتل ، حجت وهي تخليهم علىٰ الطاولة الـ مقابيل القنفة

زهراء :- هسه بدت السَهرة مِن صُدك

باوعلها غيث بُحب
غيث :- بَس انتِ الـ تفتهميني

خزره بابا
جبر :- شنو قصدك ولك ؟

ندار علىٰ ابوية
غيث :- اويلي علىٰ جَبوري ما اقصد شي تاج راسي انتَ

ضحكت علىٰ سوالفه
دائمًا يغيرلنه نفسيتنه
وكت الشقه يطلع الواحد من حزنه
ووكت الجد الگي واگف بضهري وساندني .

جانت من احلىٰ أليالي ألي مَرت عليّ
ضحكت ، بجيت ، دمعت عيوني
علىٰ حنيتهم وهمَ يحاولون يشيلون قلقي وحزني

بقينه سهرانين ألا أن صارت بـ٢ الفَجر
وابوي طشرهم كُل واحد لغرفته
مددت علىٰ الجرباية
وعيوني الدَمع يلالي بيها

صَعبة عليّ أعوف اهلي
بعد ما لگيتهم كُل هاي السنين
صعبة عليّ راح اعيش ويا اشخاص ما اعرفه
شلون راح يتعاملون وياي
تصرفاتهم ، عاداتهم ، تقاليدهم
كُلشي ما اعرف عليهم

وكُل هذا بچِفة والـِ راح يكون زوجي بچفة ثانية
شخص غريب عليّ
شخص شخصيته غامضة
شخص ما اغرغ كٌلشي عليّ
شلون راح اعيش وياه ؟

شلون راح اتأقلم ويا
والأكثر جان متزوج !
شنو سبب وفات زوجته
ليش مِن يتقرب لي ولو خطوة وحده
يتغير بسرعة وملامحه تختلف
وعيونه بيهم كلَام ما فهمته