سحر عينيك

الحلقة الـ١٠

رواية : سحر عينيك

بقلمي : سارة ياسـين .

لاتنسون التصويت ، التعليق بين الفقرات ، متابعه لحسابي 🫶🏻

- كَلشي بية تفَرهد
وَبس حَزني ضل وحدة بمَچانة
شَخبطوني وتَيهتني
وكل رَماد أتلمسة لبالي أنة
غَربة وأنة ... دَمع ماعندي گضيتة
غَربة مَحد يمر بيه
غَربة حتىٰ الما يَحبني أستاحشيتة
من كثر ما عَشت وحدي
حتىٰ أسمي نسيته ..

____________________________

فتحت عيوني ؏ وسعهم مصدومة
ترجع اودلاها ؟؟؟
يعني هاي زوجه ابوي ؟

بقيت جامده بمكاني ، ما احس غير ابوي يصيح بصوت عالي

- امشييي اطلعييي بررره راجعه هسه تريديييين ووووولدچ ؟؟

ابتسمت مستهزئه وگامت تعدل بملابسها وتحجي ببرود

- هه بعدك جبر نفسك ما تغيرت ابد

باوعت ؏ اخواني مصدومين وعيونهم كلها حقد اول مره اشوفهم بهل عصبيه وهاي الحاله

نداريت ؏ زهراء احچي وياها
ما احسها غير وگعت بلگاع مغمي عليها ..

وتين :- زهرااااااء

ركضت الها واخواني وبابا وراي ، خليت راسها بحضني واضرب ؏ وجهه

- زهرااء زهراااء شبيييچ

احمد :- وخري خلي اشيلها ..

شالها احمد خلاها ؏ القنفه ، ركضت جبت مي ومسحت وجهه ، بدت تصحى شويه

باوع بابا ؏ ام زهراء واردف وهو صاك ؏ سنونه

جبر :- وحق ربچ اذا صار شي لبنتي فلااااا ارحمچ ..

باوعت عليه بلا مُبالاه !!
حتى من تخربطت زهراء ما حركت نفسها؟
زين اذا جايه تاخذهم غير تخاف ؏ بنتها ؟ .

همست زهراء بصوت خافت باكي وهي بحضن بابا

- بابااا

جبر :- عيون ابوچ گولي باباتي شبيچ

شهگت
- بابا گوللها خلي تطلع م من بيتنه گوللها مانريدهااا

لمها لصدره
- هايهيه باباتي الي تردينه يصير بس لتخوفيني عليچ

مددها ؏ القنفه وگام وگف گدام طليقته
- بلا مطرود طلعي من بيتي

رفعت حاجبها
- اووه ما توقعتها منك جبر تطرد خطارك؟

اردف احمد بـ استهزاء
- جبر ما يستقبل غير الادوام الي يحترمون نفسهم

صاحت بي
- احتررررم وووولك انييي امك

ندار ؏ غيث وسوه نفسه متفاجئ
- وولك غيث طلع عدنه أم ، شتگول انته؟

غيث :- انا ماعندي أم ..