سحر عينيك

الحلقة الـ٦

رواية : سحر عينيك

بقلمي : سارة ياسـين ..

قلبي لا تنسون التصويت ، التعليق بين الفقرات ، متابعة لحسابي 🫶🏻

- المَن مَتاني بدربهم جاهل وضَاع بَضريح؟
أنتَ وحدك مالك أحد
مَامِش بنادم يگرب مَتنة مَنك لو تَطيح
ولو طحت مَاي وتَبدة
ومَامِش أسم الله الـ يصيح
خايب المَن تنتظر !
فاك بيبان الصلح ويَّ المعاتب
وأنتَ ضيمك مالة خَاطر
تَغبش بِحزنك تبسط مَدري يا رايح تناطر
وأنتَ مشتول بوعد جذاب ما لاگيلة باجر

___________

دِينـيز ...

دفعت الباب ودخلنه ، نصدمت واني اشوف الشقه مگلوبه رأستآ علىَ عُقب!!

الأغراض مطشرة بكل مكان
غرفتي مفتوحه ...

انداريت عليهم مصدومة من الي شافته عيني
وهمه مو أقل صدمتآ مني ..

دِينيز بصدمة :- هاااي شصااير!!

حجت سوزان وهي مصدومة

- ما ادري باعي الشقه ولچ شصاير ؟؟

باوع عليه عمو ابو سوزان وگال
- ارجعو باباتي خلي ادخل اشوف شكو اخاف احد بلشقه

ام سوزان :- انتبه لنفسك خاف احد جوه مخلين شي بلغرفه

دخل عمو واحنه بقينه بباب الشقه
منو الي سوه بيها هيچ ؟

ماعندي لا عداوة
ولا مأذية احد
منو السوه بيها هيج ؟..

بقيت واگفه والتفكير اكل راسي ، طلع عمو

ابو سوزان :- بابا ماكو شي بلبيت بس هذا مبين حرامي هسه انزل اشوف كامرات الشقه ..

راح عمو وسوزان حچت
- ولچ دِينيز منو السووه هيچ ؟ عندج عداوه ويه احد ؟

رديت بهدوء عَكس الضجيج الي بداخلي

- لا سوزان لاا هو انييي وين رايحهه راااح اتخبللل منوو الي سووه هيج؟؟

انيي ويياااج نطلع
وانيي وياااج نطب
ويياااامن عندي عدااااووه!!

لزمت ايدي محاوله تهدئني
- ديينييز اهدي انتِ مريضة ، هسه يجي بابا ونشوف منو يجوز حرامي واحمدي ربچ انتِ مو بلشقه چان أذاچ وانتِ وحدچ

گعدت ؏ القنفه ولزمت راسي ، صافنه بلفراغ

حجيت واني ؏ نفس گعدتي

- الي دخل للشقه اذا چان حرامي او غيره فـ هذا يعرف وقت

طَلعتي وطبتي
ويعرف اني بلمستشفى
ما متواجدة بلشقة

لأن ليش من چنت بلمستشفى يالا دخل ألها ؟

سوزان :- نفر عقلي ما اعرف اجمع خلي يجي ابوي ونشوف

ام سوزان :- سوزان ماما لمي هاي الغراض المطشرة واني راح اروح اسويلها شي تاكله

أردفت بتعب
- ماريد خاله تسلمين انتو هم تعبتو روحو ارتاحو مابيه شي لتخافين