سحر عينيك

الحلقة الـ٣٧

رواية سحر عينيك
الحلقة الـ٣٧
بقلمي سارة ياسين .

قلبي لاتنسون التصويت ، التعليق بين الفقرات ، مُتابعة لحسابي 🫶🏻 .

- أنتَ الضحكة المَلحُوظة في وجهي ♥️

__________________________

نداريت مستغربة من كلامه
فتحت عيوني مصدومة من المَنضر الي گدامي .

جان بيت خَشبي
وسط حجمة وتصميمه كُلش حلو ومقابيله بشوية شلال مي نازل منه

حسيت روحي بالجنة
شگد ما المكان حلو وبنفس الوقت الهوىٰ الي بي يخليك غصبًا عنك تَرتاح نفسيًا وجسديًا .

اردفت واني ابتسم
وتين :- هههه شاهين شنو هذا ؟ حقيقة يعني ؟

ابتسم لأبتسامتي
شاهين :- حقيقة وهذا شي قليل مقارنتًا بباقي المناضر الـ راح تشوفيها .

وتين :- يعني اكو بعد احلىٰ من هيچ ؟

هز راسه مأيد كلامي
واني بعدني متفاجئة من كمية جمال الدولة
الـ يشوف هيچ ما ممكن يتمنىٰ يرجع ويعوفها .

تمشينه سوية
بديت اصور بالمناضر الخَلابة
وشاهين يمشي قريب مني شايل عسَل

وصلنا للبيت الـ راح نقيم بي بهذي الفتَرة
جانت مُقدمته حديقة صغيرة
وگدامها مي جاري

فتح شاهين الباب ، جان الباب خشبي
دخلنه سوية للبيت
فتحت عيوني مصدومة من جمال البيت

دافئ جان حيل والوانه مُريحة للعين بشكل .

خلا شاهين الجنط علىٰ صفحة ونزل عسل
الي تضحك وفرحانة بالمكان .

شاهين :- اخذي راحتچ ورتبي الغراض ، عسل خليها يمي .

هزيت راسي
واخذت الجنط ، أشر لي علىٰ غرفة
شاهين :- هاي الغرفة .

دخلت للغرفة
جانت حيل حلوة ومرتبة
شكَد ما چانت حلوة شگد ما جانت بسيطة وهادئة

بديت ارتب بالغراض
وبعد مرور ساعة كملت ترتيبهم وشاهين وعسَل ما سمعت صوتهم بعدها .

باوعت للجو الدنيا بدت تظلَم
لأن الطريق طويل حيل
خاصتًا من المطار للمكان هَذا
وجان بداية شتاء لهذا الليل يغلب النهَار بسرعة .

طلعت اتفقد شاهين وعسل وينهم
تفاجئت مالگيتهم بالصالة !
عقدت حاجبي مستغربة وين راحو ؟

شلت تلفوني ادگ عليه
وتين :- شاهين

شاهين :- هلا

وتين :- وينكم ؟ شو ماكو لا انتَ ولا عسَل

شاهين :- طَلعت اتسوگ عسل يمي لا تخافين دقايق ونرجع

وتين :- تمام انتضركم .

نهيت الأتصال ويا شاهين وافتريت بالبيت اشوفه جان بي غرفتين
غرفة سرير چبير الـ خليت بيها ملابسنه