سحر عينيك

الحلقة الـ١٥

رواية سحر عينيك
الحلقة الـ١٥
بقلمي سارة ياسين .

قلبي لاتنسون التصويت ، التعليق بين الفقرات ، متابعة لحسابي 🤍

- بَلكي نِكبر حَزن واحد
وما يشخبطنة الحَزن بين السِنين
ولا لگينة ارواحنة بِديرة نفاهة
ولا لگينة أرواحنة ويَّ التَايهين
الوَكت كلش مو حَنين

________________________

رجفت أيدي بصدمة من الـ شفته ، واهلي ما چانو اقل صدمتاً مني

غَيث :- شنو هذا يابه ، تهديد ؟؟

اردف ابوي بهدوء عكس صدمته ، ما راد يخوفنه
- اي بس مابي شي هَذوله سَوالف جهال

اردفت بصدمة واحس بنفسي عرفت منو
وتين :- بابا اخاف نَفسهم الي خطفوني ؟

حسيته عَرف منو بس ماحب يخوفني
جبر :- لا باباتي هاي سَوالف جهال مو هَمه ، امشو ندخل ياله بابا

دخلنه واني بعدني بصدمتي
ماكو غيِرهم
حتىٰ ابوي ماعنده عداوة ويه احد

وليش من رجعت لبيتنه أجه التهديد ؟
زين شنو يريدون مني بعد ؟

بقيت افكر وعقلي شارد ، حسيت بـ أيد تتخله علىٰ كتَافي ، انداريت لگيته احمد
ابتسَم لي بهدوء

احمد :- ها شبيها وَتيِنه صافنة ؟ وين بالچ

وتين :- بالي صار قبَل شويه

احمد :- لا تبقين تفكرين بشي ، هاي سوالف تافهَ يذبون وَرقة تهديد ماكو شي

چان يحجي وعيونه تحجي غير كلامه اعرفهم مصدومين اكثر مني
خاصتاً من كاتبين بنتك !
يعني يا اني يا زهراء

وتين :- احمد اني مو صغَيرة حتىٰ تضحكون علِيه بكلامكم هَذا اعرف نفسهم الي خطفوني همَ الي ذبو ألنه التهديد وچانو يقصدوني بكلامهم مو زهراء

احمد :- منين جبتي الحجي هذا

وتين :- لعد ليش مَن رجعت همَ سوو هيچ ؟ لو جانو يقصدون زهراء جان سووها من زمان بس اني المقصودة بكلامهم مو زهراء ...

ابتعد وفرك وجهه بتَعب ورجع اقترب مني واردف بهدوء يطمني

احمد :- حتىٰ لو يقصدوچ محد يگدر يقربلچ بشعَره واحنه عايشين ما ننحسَب علىٰ الزلم لو رادو يأذوچ بشي ، لا تبقين خايفة واتركي الموضوع علينه

لزمت وجهه بأيدي وابتسمت
وتين :- ربي يحفظكم ألي ، اني ما خايفة علىٰ نفسي بگد ما خايفة عليكم لا يأذوكم احمد هذوله ماعدهم رحمة ابدا ولا عدهم شي اسمه أنسَانية بحياتنه ماريدكم تتأذون بسببي

احمد :- ربچ الحافظ حبيبتي ، وياله كملي العشَه بسُرعة

وتين :- صار تدلل نص ساعة ويكمل ..

راح احمد بديت اسوي العشه
خليتها علىٰ ربي
ما دام رب العالمين وياي
ان شاءالله ما يگدرون يسوون شي ..