رواية : سحر عينيك
بقلمي : سارة ياسين ..
قلبي لاتنسون التصويت ، التعليق بين الفقرات ، متابعه لحسابي 🫶🏻 ..
- وتاليها عرفت اليوجعني منين
- من هواي وادم مستلذ بيها ..
____________
وتين :- مرات لحظات تُقلب حياتنه كلها ، شغلات تضهر ألنه من العدم
ما جنت بيوم اتوقع اقابل الي يتسمى تحت اشعار"ابوي "
والأكثر طلع عايش حياته ومتزوج ! ...
لحظات عَم الصمت ؏ المكان ، رده فعله كانت أشبه بشخص كان طالع من الموت بـ اعجوبة
بقه صافن لحظات بعدين أردف بصوت خافت
- ش شنو شتحچين أنتِ؟
رفعت حاجبي وحچيت بـ استهزاء
- ليش عيني مصدوم ما متوقع يجي يوم وتلتقي ببنتك الي من صَلبك ؟
رفع ايده وفرك شعره بضياع ، اولاده الي واگفين فاتحين عيونهم مصدومين من الي گُلته
الضاهر الاب ما حاچي بشاعته لأولاده
رفعت نضري علىَ اولاده
- شو مصدومين ؟ الضاهر الاب محاچيلكم شي ؟
احمد :- انتِ شنو تحجين مستوعبة الي حچيتي ؟ شنو انتِ اختي وين چنتي لعد ؟
حچه ابوهم :- اسكت احمد ، وانتِ اگعدي وفهميني الموضوع ترا راح اتخبل
وتين :- ماكو شي احچي اني بنتك بنت ألمى الي تركتها وهي حامل ببنتك ومادرت ضهرك ألنه ولا گلت ؏ الاقل اشوف بنتي! لهل درجة گلبك ما بي ذره رَحمه ؟.
صاح احمد
- ااااحترمي نفسچ ولتتجاوزين علىَ ابوي
- اعذرني عيوني اسفِين
گال ابوهم بصدمة
- شنوو جانت حامل ؟
هزيت راسي بلأجابة
رجع حچه ابوهم وهو تعبان
- زين أمچ وينها ؟
همست بصوت واهن واني اتذكرها
- توفت .
فك عيونه ؏َ وسعهم مصدوم ، نهد حيله وگام يفرك صدره بوجع ، راحو عليه اولاده واني اباوع واحس رب العالمين دا ياخذ جزاتي منهم نشفى غليلي واني اشوفه متعذب ، بوقتها گلبي ما بقت بي غير القَسوة
ماعرف من الي شفته؟
لو الزمن غيرني ؟
بس الي اعرفه ما عدت وَتين القديمة .
اردف بتعب بعد ما ارتاح
- بَس ألمى أجهضت الاطفال قَبل لا ننفصل
عقدت حواجبي مستغربة
- شنو اطفال ؟
حچه وجوابه چان صَادم
- چانت حامل بتؤام بنات
تجمد جسمي للحظات ، شنو حامل بتؤام ؟
اذا اذا حامل بتؤام وين تؤامي ؟
وين اختي ؟....
حسيت الي صارلي اكثر من طاقتي ، جسمي نفذت طاقته ، عقلي ما يستوعب
أنت تقرأ
سحر عينيك
Romanceفتاة تعاني من التفكك الاسري لاتعلم من عائلتها بالضبط ولا تعلم ماهو الدفيء العائلي تبدأ صدماتها عند خساره المرأة التي احتضنتها وهي في عمر الطفوله ، تتمادى الدنيا معها لتتعرض الى خسارات عديده تنتج عنها فتاة مضلومه خاسرة ، تُطرد بلا مأوى ولا مسكن داف...
