سحر عينيك

الحلقة الـ٢٥

رواية سحر عينيك
الحلقة الـ٢٥
بقلمي سارة ياسين .

قلبي لاتنسون التصويت ، التعليق بين الفقرات ، مُتابعة لحسابي 🫶🏻 .

- وأنة بَلياك ضَايع، تايّه، ومَنسيٰ
مَامِش درب يَندلني ولا باب يتلگاني
ولا شفه التگلي أرتاح
لا چف اليباريني
ولا چلمة التَداريني
ولا غيمة مَحبة التروي گيعاني
وبس عتاب ضَيمك يَلچ بِلساني

__________________________

دينيــــــز ...

واگفة بمكاني ، جسمي جمد وعيوني مفتوحة علىٰ وسعهم من كلامه ! ، بقت تتردد جُملته براسي

نرجع للعراق
نرجع للعراق
نرجع للعراق !!

نرجع للعراق الي كُل حياتي ما داخلته ! الي شايفته فقط بلصور !

العراق البلد المفروض عايشة بي
العراق الي ما اتذكره ابدًا
الي شايفته بالصور بس ما شايفته بالحقيقة

صدمتي جانت من أقوة الصدمات الـ مَريت بيهم .

اردفت بصدمة وعقل ممصدگ كلامه
دينيز :- شنو تگول عمو ؟ تحجي صدگ عمو ؟ شنو نرجع للعراق ؟ وليش اني وياكم اصلاً ؟ شكو شصاير

اخذ نفس عميق وباعد نضره عَني ، اردف
ابو سوزان :- بنتي اهدئي وتعالي اگعدي

ردت احجي قاطعني
ابو سوزان :- بنتي تعالي اگعدي وعلىٰ كيفج ويا روحج

تقدمت گعدت علىٰ القنفة قريب من خالة
دينيز :- هاي گعدت عمو ، شنو شصاير حتىٰ تريد ترجع للعراق ؟ ..

باوع لي ورجع نضرة لخالة
اباوع علىٰ خالة مدمعة عيونها
سوزان مدمعة عيونها وتباوع لي بنضرات وكأنُ صاير شي !

مسح وجهه وتنهد ، اردف
ابو سوزان :- بابا دينيز احنا لازم نرجع للعراق وكُلنه وياج مو بس انتِ

دينيز :- شنو السبب عمو ؟ غير اكو شي حتىٰ نرجع

بلع ريگه واردف بكلامه الـِ صدمني

ابو سوزان :- بنيتي لازم نرجع للعراق لأن لگينه اهلچ ، نرجع للعراق نتأكد من الموضوع ...

وگفت رأستًا من شده الصدمة
صدمة ما بعدها صدمة
فاتحة عيوني علىٰ وسعهم
انفاسي زادت
دگات گلبي سرعت ، أيدي ترجف
شفايفي ترجف ، اطرافي بلگوه حاملاتني .

من هول الصدمة ماعرفت شنو احجي !
شنو اسوي هسه ؟
افرح لو احزن ؟
اضحك لو ابچي ؟

افرح لأن لگيت اهلي ؟ لو احزن لأن عافوني كُل هاي المُدة ؟
اضحك لأن راح التقي بيهم ؟ لو ابجي لأن ما اعرف اسمائهم حتىٰ ؟

تقربت عليّ سوزان وهي تبجي
رادت تلزمني ، ابتعدت منها ورجعت بخطواتي لوره
الغصة لازمتني
ودموعي علىٰ خدي يحرگني .