سحر عينيك

الحلقة الـ٣١

رواية سحر عينيك
الحلقة الـ٣١
بقلمي سارة ياسين .

قلبي لاتنسون التصويت ، التعليق بين الفقرات ، مُتابعة لحسابي 🫶🏻 .

- بَلكي نِكبر حَزن واحد
وما يشخبطنة الحَزن بين السِنين
ولا لگينة ارواحنة بِديرة نفاهة
ولا لگينة أرواحنة ويَّ التَايهين
الوَكت كلش مو حَنين

_____________________________

واگفة بمكاني جامدة
اطرافي بالگوه واگفة عليهم
ايدي رجفت ، جسمي كُله رجف ما توقعت بيوم ارجع التقي بهذا الشخص

الشخص الـ دمَر حياتي
الشخص الـ چان كابوس بحياتي
الشخص الـ دمرني

اشوفه گدامي ! بعد ما توقعت بعد ما راح اشوف وجهه بيوم ولا اشوف شكله !

واگف گدامي الـ اسمه خالي !
بعد كُل هاي المُدة الي مرت اشوفه !

هو هوَ نفس شكله نفس الملامح الحقيرة
نفس الشكل الي ما يفارق احلامي
وصار كابوسي

والأكثر واگف يمه ابنه ؟ ابنه الي نطردت بسبب
ابنه الي بسببه نذبيت بالشارع
واگفين بكل حقارة ولا عبالك ذبو بنية بالشارع
ما خافو بوقتها يصير لي شي ؟

ماعذبهم ضميرهم ؟
ما صحَو علىٰ نفسهم ولا ثانية وحدة ؟
لهل درجة الجشَع والحقد تارسهم ؟ .

جان شاهين يحاسب الرجال
واني واگفة وراه
ختنگت حسيت الهوىٰ ما يدخل لصدري

مديت ايدي الي ترجف علىٰ ايده
لزمت ايده بقوة واريد اوگف علىٰ حيلي
جانو واگفين علىٰ الباب يحجون ويا رجال

ندار لي شاهين مستغرب وعيونه علىٰ حالتي
همست بصوت يرجف
وتين :- شاهين خلي نطلع عفية

زاد استغرابه ودنگ عليّ
شاهين :- شبيچ ؟

اختنگت روحي فرفحت ، خليت ايدي علىٰ صدري اريد هوىٰ
وتين :- طلعني شاهين اختنگتت عفييية

شاهين :- شبيچ وتين شصار

أشرت له علىٰ خالي وحجيت بخنگة
وتين :- خالي وابنه گدامي شاهين طلعني عفييه

فك عيونه مصدوم وندار علىٰ خالي
كور ايده بعصبية ، عيونه حمرت
تقدم عليهم ، لزمته من ايده بتعب

وتين :- شاهيين عوفهم طلعني ختنگت هوىٰ ماكو

نصدم من شاف حالتي وبسرعة حاسب الرجال
البنات نصدمو من حالتي
طلعنه من المحل واني اريد اجر النفس ما اگدر

رجعت تذكرت كُل شي مريت بي
عذاب نفسي
جسدي
تعنيف
كُلشي تذكرته بهاي اللحظة .

زينب :- شبيچ وتين ليش هيچ صار وجهج ؟؟

غمضت عيوني وحجيت بخنگة
وتين :- اختنگت

باوعلي شاهين واردف بعصبية
شاهين :- هاي وصلنه السَيارة اهدئي