رواية سحر عينيك
الحلقة الـ٣٩
بقلمي سارة ياسين .
قلبي لاتنسون التصويت ، التعليق بين الفقَرات ، مُتابعة لحسابي 🫶🏻 .
- أنت عوَزك خارطَة وُتصبح وُطن ❤️.
_____________________________
بلعت ريگي وفتحت عيوني مصدومة من كلامَه الصَادم ! شنو چَان يقصد بكلامه نفس الي ببالي لو اني مخربطة ؟
بلعت ريگي مرتَبكة واردفت
دينيز :- شنو ؟ ما فهمت .
اجاني صوته ونبرته الغربية
تميم :- أبوية كلامي واضح اذا اجي اخطبچ توافقين ؟
رجف جسمي أثر الصدمة
متفاجئة من كلامه وارجع اتذكر نضراته ألي
وكُل مرة يشوفني بيها عيونه تتبعني بنضراته واگول متوهمَة ماكو هيچ شي !
كمل كلامه
تميم :- فكري زين يابه وانطي جوابچ لـ تبارك .
ثواني واجاني صوت تبارك ونبرتها الخجلانة
تبارك :- دينيز عفية اعذريني والله هوَ اخذ التلفون مني
حچيت مندهشَة من كلامه
دينيز :- تبارك فهميني الـ موضوع كُلشي ما فهمت ترىٰ ! شنو تجون ؟ شنو يخطبني فهميني ترىٰ عقلي وگف
تبارك :- حبيبتي تميم صار له هواية حسيته عنده شي تجاهچ ما عرفت شنو لأن تعرفينهم ما يبين منهم شي بس لاحضته اكثر من مرة خاصتًا من يجيبني للدوام واليوم حچه وياي بالموضوع اني اكثر منچ نصدمت لأن هوَ قافل علىٰ هذا الموضوع وصدمني هسه بكلامه
دينيز :- يعني شنو اخوچ عنده شي تجاهي ؟ مشاعر لو شنو تبارك اني حتىٰ ما اعرف كُل شي عليّ شلون يريد يخطبني ؟
تبارك :- هوَ كُل شي يعرف عليچ اما انتِ فـ اذا صارت قسمَة ونصيِب تتعرفون بالخطوبة والله دينيز ما احمد لچ بأخوي بس ماكو احسن منه تحمل مسؤليتي ومسؤلية عائلتنه من احنه صغار وحيل حنين عليه وانتِ تعرفين شغله يعني فكري بالموضوع زين
دينيز :- تبارك ما أدري دخت وعقلي نفَر ، الموضوع هذا ممخليته ببالي حتىٰ يعني ما اعرف شنو اگول الچ
تبارك :- لا تگولين شي حبيبتي حاليًا اخذي وقتچ وفكري زين هذا قرار مصيري ويخصچ انتِ قرري علىٰ حسب الـ تشوفينه مُناسب ولا تتوقعون اني وياچ ممكن تخرب علاقتنه بالعكس اني معتبرتچ اختي والأخت ما تزعل من اختها .
اخذت نفس بعد كلامها واسلوبها الحلو الـ يجبر أي شخص يجاوب بكل احترام
دينيز :- واعز والله تبارك من اول يوم شفتچ بي وتعرفنه علىٰ بعَض صرتي بمثابة أختي وأعز وان شاءالله خير .
بقينه نحچي شوية ونهيت الأتصال
واني مشدوها واتذكر نبرة كلامه وكلامه الصادم بالنسبة الي
ما اكذب لاحضت نضراته عليّ وتصرفاته جانت تشبه تصرفات شاهين ما ينحزرون الأثنين بس ما توقعت بيوم يتطور الموضوع لهذي الدرجة ! ..
أنت تقرأ
سحر عينيك
Romantikفتاة تعاني من التفكك الاسري لاتعلم من عائلتها بالضبط ولا تعلم ماهو الدفيء العائلي تبدأ صدماتها عند خساره المرأة التي احتضنتها وهي في عمر الطفوله ، تتمادى الدنيا معها لتتعرض الى خسارات عديده تنتج عنها فتاة مضلومه خاسرة ، تُطرد بلا مأوى ولا مسكن داف...
