رواية سحر عينيك
الحلقة الـ٢٦
بقلمي سارة ياسين .
قلبي لاتنسون التصويت ، التعليق بين الفقرات ، مُتابعة لحسابي 🫶🏻 .
- چنت خايف شفتك وگربت يمك
ردت اگلك جيت اطمنك
وآني خايف
وخايف يطمنلة خايف
ردت اگلك حتى هذا البلد غربة
وصار موطن من هويتك ، ردت اگلك
حتى حيطان الدرابين القديمة
تتاني جيتك
_______________________________
واگفة جامدة بمكاني من الصَدمة
اطرافي نملت
جسمي رجف
دگات گلبي سرعت
غمضت عيوني ورجعت فتحتهم اريد اعرف الي دا اشوفه حقيقة لو خيال ؟
معقوله صار لعقلي شي ؟
لو تخبلت ؟
فتحت عيوني ورجعت لي الصدمة واني اشوفها واگفة بمكانها ، عيونها مدمعة
حسيت بعقلي ما گادر يستوعب الي يشوفه
البنية نسخة مني
كُلشي بيها يشبهني
الهيثة
العيون
الوجه
كُلشي بيها نسخة مني وكأنُ أني واگفة گدامي .
بلعت ريگي واردفت بصوت يرجف
وتين :- وعليكم السلام تفضلوا
ابتعدت عن الباب شوية دخلت المرة والبنات الأثنين وياها والبنية وراهم تمشي علىٰ كيفها وعيونها عليّ
لا أني الـ شلت عيوني عنها ولا هي
شنو هل أحساس الي حسيته ؟
حسيتها قريبة مني
حسيتها قطعة مني
بغض النضر علىٰ الشبه الفضيع الي بيناتنه
گلبي يگلي اعرفها
احس بيها قريبة مني .
مشيت وراهم بخطوات مُرتجفة
دخلوا للصالة واني دخلت للمطبخ اغسل
ما تحملت ابقىٰ واگفة وصادمة گدامهم
غسلت وجهي بسرعة
اغسل واردد بداخلي
ماكو هيج شبه
اغسل واردد
وجهي صار عبارة علىٰ مي
شفتي ترجف
واني بهاي الحالة دخل شاهين وهو يحجي
شاهين :- جوان وين..
سكت وهو يشوفني بحالتي المُزرية
تقرب عليّ بسرعة ونضراته تحولت للقلق
اردف مستغرب
شاهين :- شبيج وتين هاي ليش هيج وجهج
ابتعدت شوية
حسيت رجلية ما راح تحملني ابًدا
ردت اوگع ، ركض عليّ حضني حاوطني بـ أيديه ووگفني
شاهين :- وتيين وتيين شبيج
همست بصوت خافت
وتين :- رجلية ما تحملني گعدني علىٰ الكُرسي .
گعدني علىٰ الكُرسي وراح جاب مي
انطاني الگلاص مديت ايدي اخذه
لزمته أيدي ترجف ما گدرت الزمه خفت لا ينكسر
خله أيده علىٰ ايدي وهمس
شاهين :- انه اشربچ
شربني المي وگلبي دگاته صارت مو منتضمة
البنية شبهه بيه مو طبيعي
مو شي عادي حتىٰ ما انطي أهمية للموضوع
والأكثر تذكرت اختي التؤام !
معقوله اختي ؟
وارجع اضحك علىٰ تفكيري
اختي شجابها لـ يمي ؟ وتطلع من عائلة صديق شاهين ؟
أنت تقرأ
سحر عينيك
Storie d'amoreفتاة تعاني من التفكك الاسري لاتعلم من عائلتها بالضبط ولا تعلم ماهو الدفيء العائلي تبدأ صدماتها عند خساره المرأة التي احتضنتها وهي في عمر الطفوله ، تتمادى الدنيا معها لتتعرض الى خسارات عديده تنتج عنها فتاة مضلومه خاسرة ، تُطرد بلا مأوى ولا مسكن داف...
