سحر عينيك

الحلقة الـ٧

رواية :- سحر عينيك

بقلمي :- سارة ياسـِين ...

قلبي لا تنسون التصويت ، التعليق بين الفقرات ، متابعه لحسابي 🫶🏻 .

- گضت عَشرتنا مِثل مَواجه المَسجون
نرد لَقفاصنه ولِدَيارهم رَدوا ..

______________

وتـــين ....

گاعدة بلمطبخ انتضر غَيث لحد هسه ما اجه والساعة بـ١٢ بليل وبابا مانعهم يتأخرون هيچ

بقيت افتر واباوع ؏ السَاعة
؏ اساس هو رايح لأصدقائه وينه ..

سمعت صوت خطوات بلبيت ، بقيت واگفه بمكاني بس لا بَابا غير اليوم يعلگه بلبنكه

انداريت لگيته احمد ، اخذت نفس
باوع عليه مستغرب واردف

احمد :- ها وتين شو گاعده بيچ شي ؟

وتين :- لا بَس غَيث لحد هسه ما اجه وگاعده انتضره

رفَع نضره للساعة
- هذا الكلب وينه الساعة بـ ١٢ ونص ؟

طلع تلفونه وخابره ، دگ مَرتين والثَالثه يالا جاوب

- ويييينك ولك ؟ شوف السَاعة شگدد
- بلا حچي غَيث عشر دقايق اذا ما تجي اگعد ابوي وتعرف هَو شسويلك
- انتضرك ..

سد الاتصال
احمد :- ابووي منبها ما يتأخر لهيچ وقَت وهو شوفي السَاعة شگد وما جاي يگلي ملتمين اصدقائي الكلب

حچيت محاوله اهدئه
- ؏ كيفك خَطية غير اصدقائه ملتَمين وهو مو يوميه يطلع ..

عشر دقايق وخابر ؏ احمد يفتحله الباب ، دخل هو واحمد وراه
ضربه ؏ رگبته وحچه

- كم مره گايلك ابوي لا تتأخر لهل وقت ؟ شلون وياك

راح غيث گعد ؏ الكرسي وحجه بدون اهتمام ولا كانو مسوي شي

غيث :- شبيكم حسستوني رايح للجبهه ؟ ما تخلون الواحد يتونس

احمد :- لا حبيبي اخذ راحتك ابقه للفجر صَلي وتعال

- اي والله صار المرة الجاية اسويها ولا يهمك

دفره احمد
- نَچب لك ، مرة الجايه اخلي ابوي ما يرجعك عامر للبيت

حچه بضحك
غيث :- عامر لو خالد ؟ ههههههههههه .

بقه احمد يكتل بي بس مو ضَرب قوي ، گعد احمد ؏ الكرسي تعبان

عدل شعره غيث وباوع عليه
- اگلچ وتون

- گول

- ما تسويلنه شي ناكله جوعان

ضحكت
- هو انته عمرك كُله جوعَان ، شتريد اسويلك ؟

- اي شي واذا مخلمه اخليچ علىَ راسي

- هههههههه

سويت طاوه مخلمه وگعدنه الثلاثه عليها
باوع غيث ؏ احمد وحچه وهو مقلص عيونه