سحر عينيك

الحلقة الـ٩

رواية :-  سحر عينيك                                        

بقلمي :-  سارة ياسـين                                         

-  نطش ضحكتِك لو كثر حزن المَدينة 🤍.           

____________________                                 

دِينـيز ...                                                            

بقيت واگفه مصدومة من الي صار ، لزمت گلبي احسه رح يوگف من الخوف ، الرعب
كُلشي تجمع بجسمي بهاي الثواني ..

صاحت سوزان تصحيني من صفتني وهي تصيح
- ولچ دينييييز رححح يمووووته ولج

ويه جُملتها رفع راسه الشخص الي ضرب الولد ودفره وهو يحچي بعصبية

- گ** انااا اعملك تستعرض رجولتك علىَ بناااات

اندار علينه واردف بصوت غير الصوت العالي والعصبي الي چان بي قبل شويه

- ها بابا خوما أذاكم ؟ سوالكم شي ؟

حجت سوزان بسرعة
- لا لا شكرآ الك بس عفيه خايفه لايسويلنه مشكله

اردف بعصبية
- يخسىَ اذا تگلط عليچن وانا هين ، لتخافون بابا
روحو لبيتكم وانتو متطمنين هذا مَبين يرادله جَرت أذن .

حجيت بتردد
- بس...

قاطعني مَعترض
- بدون بَس روحو للبيت الوقت تأخر ..

هزيت راسي وجريت سوزان واني مصدومة من الي صار
منو هذا ؟
وليش ساعدنه ؟
احس شايفته! ، بس عَقلي مابيه يفكر

مشينه والطريق كُله سوزان ترجف وتحجي
- ولچ دينيز احس گلبي راد يوگف لو ما هذا الشخص چان هسه احنه بخبر كان شفتي شسوه بي ؟
عزا راد يقتله الا شويه وصدگ ولچ شو هيج يحجي ؟ مبين عراقي بس بأي لهجه ؟

- ما ادري اني هم اول مره اسمعها

- ولچ صدمني بلسواه يمته وصل وايمت ضربه بلمحه بَصر .

حجيت واني مو اقل منها صدمتآ
- اش اسكتي سوزان عقلي مدا يجمع ، شنو نسوي ؟نگول لعمو لو نسكت ؟
بس الافضل نحچيلها كُلشي يصير ..

سوزان :- بس دينيز شنو تحجي خايفه من رده فعلهم

لزمت ايدها مهدئتها
- لتخافين اني وياچ ، ثانيآ انتِ ماسويتي شي خطأ

حضنت ايدي واحنه نمشي
- شكرآ دينيز لولاچ ماعرف شسوي

- نچبي سوزان

سوزان :- هههههههههه خوش نچبيت ..

وصلنه للشقه ودگينه الباب ، راح نَضري ؏ سوزان الي بدت ترجف وكأنو مسويه مصيبة
هو هذا طبعها ما تغيره ابد
؏ اي شي تخاف ..