سحر عينيك

الحلقة الـ١٤

رواية سحر عينيك
الحلقة الـ١٤
بقلمي سارة ياسين ..

قلبي لاتنسون التصويت ، التعليق بين الفقرات ، متابعة لحسابي ❤️‍🔥

- وآنه بروحي
حِزن دِيرة
ومَلامِح خوف
وحَرب جذبة ، وحِلم تَايه
ونهر ثالث حُفر خَدي
غَريب بكاع مَتلمني
جم ليلة أذب دموع على ألمامشَ
ولا أدري .

__________________________

نصدمت وأني اشوف البيت مَتروس ناس!
رجف جسمي من الخوف
شنو صاير ؟ بس لا ابوي بي شي ؟

من الصدمة جمدت بمكاني ، ثواني وفزيت ودخلت اركض حتى نسِيتهم بَره ما گُلتلهم تفضلو

صارت أنضَارهم عليّ ، ما حسيت غير عيطة زهراء

زهراء :- وتيييييييييين

اقتربت بسُرعة حضنتني وتبچي ، حضنتها وبالي يم هذا التجَمع شكو ؟؟

بعدتها شوية وهمست بخوف
- شكو زهراء ليش متجمعين

زهراء :- ولچ وين جنتي مختفييية

وتين :- جاوبي على سؤالي زهراء

أردفت بتردد ونبرة الحزن بصوتها
زهراء :- أبوي بعد ما اختفيتي تمرض شوية وأجو يسلمون عليّ

شهگت بخوف عليّ ، كُله ولا يصير له شي والأكثر بسببي ؟؟

وتين :- ويينه..

نقطع كلامي من تقدم عليّ احمد مصدوم
- وتيييين

ركضت حضنته وبدون ما ينتبهه حضني من خاصرتي ألي ضربوني عليه

همست بوجع أخذ روحي
- أااخ

بتعدت مصدوم مني وحضن وجهي بأيده
احمد :- شبييييج وتين ، وين جنتيي وييين اختفيييتي

اردفت بوجع من حرگ رجلي وضهري
- احمد عفية كُلشي احجيلكم بس اريد اشوف أبوي واكو زلم ثنين بَره دخلهم عفية بقو وحدهم

عقد حاجبه مستغرب من كلامي
- منو هذوله الزلم ؟ ومنين تعرفيهم

وتين :- عفيية احمددد كُلشي احجيلك والله بس دخلهم هسه

هز راسه متنهد وطلع عليهم
طلع غيث وهم چانت رده فعله نفس رده فعل أحمد

حضنه ويحجي
غيث :- وين رحتي وتين خبلتينه وين اختفيتي

وتين :- بس خلي اشوف ابوي واحجيلكم شصار لي والله

باس راسي متنهد وطلع عليهم ويه احمد ..

دخلت للبيت لگيت عمامي وزوجاتهم وبيبي موجودين بلصالة

وگفو كلهم من دخلتهم
مصدومين
وجوهم بهتت
والصدمَة تعلو وجههم ..

شهكت بيبي وصاحت بصوت
- يمااااا بيبي ولجج وتيين بنييتي

مبينه مريضة رادت تكوم ركضت عليها حضنتها وابجي
ابجي على روحي
ابجي على الـ صار لي
ابجي على ابوي الـ مَريض بسببي ؟