بيدي رأيه واقره ايه وللحسين امشي الصعب وعلى ارض الطف طريقي يمشي وياي القلب
......
خطوه خطوه نعد مشينه
حفضنه طيات الدرب
ماتهمنه شمس صيف
ولامطر لا جو رطب
ولايهمنه لو نموت
ولو شربنه السم شرب
ياحسين نموت بسمك
نعبر الدرب الصعب
......
ثورة حسين العضيمه
تخلدت عبر الزمن
بالصدر ثابت اثره
وبلطمنه توسمن
مبدأ والنه عقيده
وفكر يعبرها المحن
جيل جيل نشيل رأيه
المثل بينه ينضرب
...
انته يالمشاي دورك
مو طريق اعليه تسير
انته للعام ر وايه
وللحسين تضل سفير
تكمل أجزاء الرساله
بخلق وبصحوة ضمير
اسمك تسجل موالي
للحشر اسمك يطب
....
وابد ما ننسه الخدامه
البيه ناخذ مرتبه
نعلم أجيال التواضع
نخدم النه منقبه
وزاير حسين اليطبنه
نحقق احنه مطلبه
بعد هالخدمه نسير
وكربلا تصبح قطب
.....
يالطريقك للطفوف
وماشي لحسين الأبي
ينتهي للجنه دربك
حتى لوتحبي حبي
والكرامه هناك تلكه
على التل الزينبي
صار شريان الشوارع
وصارالحسين القلب
.....
للخادمه ام عباس الخفاجي
