اليله ابو فاضل يقاتل بزوده
سبعين الف فارس
ماوصلو حدوده
حماي الخيم حي راعي العلم
ماوصلو حدوده
.....
اليله يم زينب گصد
يختي يگلله
لعيونج انه المايله بيدي اعدله
مايوصل الحدج بشر
من هالخلگ كله
ناذر زنودي الج والكلفه مردوده
.....
قبلت جفوفه وباسته من موضع الطبره
كالتله بوجودك انه. مهيوبه منتصره
شلون لو جفك وگع ياخويه عالغبره
انه بوجودك يالنفل بالدنيه موجوده
......
دگ صدره گله كافلج بعيوني ابرالج
شديت بيرغ رايتي يالحره بذيالج
وسترج انه توزمت
من خجلة خيالج
......
شدت الرايه بيمنته والگربه بيساره
هد ونزل للمشرعه بجفوفه بتاره
تهازمت منه العده
مرعوبه محتاره
واليوكف كباله حتم
ساعاته معدوده
.....
حي الله ابو فاضل تهاب عداه من عنده
الزينب بعينه يضحي وراسه وبزنده
بدر الهواشم يعتني انخاه بالشده
بحر الكرامه مايرد وافعاله مشهوده
.....
للخادمه ام عباس الخفاجي
