الام الام ليلة حزن والام
حيدر علي يغدرونه
جنهم مايعرفونه
ليلة حزن والام
........
حيدر بمحرابه ساجد
ليت يطه تحضره
لونه من السم تغير وعينه من الطبره حمره
جبريل ينعى بحزن حيدر
بدمع يبجي وينضرى
عالارض دمه يتجارا
الوصي ينطبر فجره
.....
عيونه تنضر للسمه
والشيب متخضب دمه
مغدور حماي الحمه
.......
صبح اسود صار يومه
ضلام ضلام غدرو علي ضلام
لن حيدر يبغضونه
ماضنهم يتركونه
ليلة حزن والام
.........
اليله مجتمعه الهواشم
بدار حماي الحميه
الحسن يبجي اعله حاله
ودمعته عالخد هميه
حسين مهضوم المصابه
ون اله ونه خفيه
زينب نادي بفاجعه
بويه لاتروح من اديه
الناس مرجونه بفجع
خير العمل راسه انصدع
بالسمه هالصوت انسمع
اركان اركان اليوم
انهدمت اركان
للدين انفصمت العروه
اركان الهدى مكسره
حيدر يكضي بالطبره
ليلة حزن والام
.......
سنده ابنه وتوسد
راحت من الوالي روحه
ضجت اعليه الهواشم
تنعه والدمعه مسفوحه
اضلمت الدنيه البنينه
عباس جن تستمع نوحه
ليتها جروحه تتداوه
والكلب يتعالى نوحه
علته ما الها دوه
ماله بالدنيه هوه
حسين عد صدره هوه
شلون منك يحرمونه
اسلام اسلام
ثلمو بيك ا لاسلام
صهرك صاحب المسره
والد فاطمه الزهره
ليلةحزن والام
.......
وصه ووصيته امانه
للعباس يعني بالامر
ناده ياعباس گرب
جن خلص مني العمر
خل ايدك بايدين زينب
اكفلها لو عارض يمر
اختك عزيزه مدلله
خافن يحرموها الخدر
عباس غيره موجره
وفاجعته طيحت حيدره
اغضب وللوالي اخبره
هالخدر مايوصلونه
بسهام بسهام تعمه
عيوني بسهام
اختي مايهضموها
وشحدهم يبجوها
الها نفدي اجال
ليلة حزن والام
....
للخادمه ام عباس الخفاجي
