يكرار يكرار يمن فوگ العرش اسمك يكرار
ملائكة السمه تخدمك يكرار
بعد ماكملت فرضك يمغوار
يكرار يكرار
......
........
اليوم الوصي نوره يشع جن يعلم بمماته
اتحزم اعله الفاجعه وودعهن البناته
سرب الاوز ينعه الولي خايف على حياته
غاب البدر حس الوصي وتنبا بمماته
بالضنون شافه الطبره والينه بالضنون
سمع الافلاك كله اعليه ينوحون
عليه ارض وسمه الحاله يونون
يكرار يكرار..
.........
للمسجد اتوجه علي جن يعلم الاخيره
شاف السمه ضلمه بحزن تحذر بمصيره
توجه الرب العلا الماينوجد نضيره
تجلى الحسن بوجه الوصي وتجلت السريره
يسجدون جن وانس بسجوده يسجدون
ينضرون تشع انوار واليهم ينضرون
امام الكون بوجوده يصلون
يكرار يكرار
.........
كبر اذان النايبه وتوجه الصلاته
وسفه الوصي لن سجدته بيها انتهت حياته
حيف الامامه تنغدر وتنغدر صفاته
المنبر الحاله بجه وتغيرت سماته
اله تنوح افلاك السمه كلها اله تنوح
اله روح يصيح الفوز والينه واله روح
فاز الوصي بالضربه والجروح
يكرا ر يكرار
.....
محزون اله حتى العرش من طبرته ومصابه
انهدمت اركان الهدى وانحزنت بغيابه
ايتامه ملهوفه اجت تتهافت اعله بابه
عيد اليجي مامش ابو نوزع بجي بثوابه
العيون ليه نهل مدامع من العيون يعودون غياب الگلب ماضن يعودون
ابو الحسنين فارك اهله شلون
يكرار يكرار
......
للخادمه ام عباس ال خفاجي
