يامحمد يامحمد
يامحمد يامحمد
........
القران هاليله انطبگ
والمسجد يذوبه القهر
غرب رسول الله وترك
العالم ينوح بكدر
الكون اضلم والدمع
من كل العيون انهمر
رحمة الباري غربت
والزهره محنية ضهر
الیله انفگد ضي الگمر
والدمع نهران انهمر
يامحمد يامحمد
... ....
اهتزت عواميد الحرم
والمشعر اعلن حزنه
ناحت ملائكة السمه
ومي زمزم اسمع ونه
حتى الحمامات بمنى
حنت اله يندبنه
والكعبه محزونه اصبحت
والحجر ينشد عنه
توفه النبي سيد البشر
والعالم اصبح عالكدر
يامحمد يامحمد
......
جبريل باحضانه النبي
يمسح جبينه بجنحه
وحيدر يوسده بيمنته
بالگلب ينزف جرحه
عزريل حابس دمعته
خاف الرسول يلمحه
موقف صعب ماینحمل
دمع البتول یشرحه
الموقف الام وقهر
المصطفى اليله احتضر
يامحمد يامحمد
......
منضر كسر گلب السمه
من لفت يمه فاطمه
احنت ضلعه تودعه
والمدمع ينازف دمه
نادها مو كافي البجي
احضنهه والمدمع همه
يالبضعه الموادع صعب
امر الله واحنه نسلمه
خايف عليج من الخطر
خافن يعاديج الدهر
يامحمد يامحمد
...
جبريل ناده ياعلي
خذ فاطمه حان الاجل
نادهاودموعه تصب
يافاطمه ماضل امل
ساعات الموادع گضن
غالينه يازهره رحل
انتي انكسرگلبچ علیه
وانه علیه جسمي نحل
الخاطر ي ضهري انكسر
خايف تموتين بقهر
يامحمد يامحمد
.....
اليله ياشيعة علي
بالدمع واسو الزهره
راح السند والمعتمد
راح وگلبها یفطره
ضجت ملائكة السمه
اليل ماطر فجره
يومك يبو الزهره صعب
لدموع هلت عبرا
القلب نيران استعر
غرب عن الدنيه الگمر
يامحمد يامحمد
.......
للخادمه ام عباس الخفاجي
