ياحيدر ياحيدر ياحيدر ياحيدر
يومي گرب ياعلي تدريني
ارد اسولف والحجي ياذيني
ياحيدر ياحيدر ياحيدر ياحيدر
................
شفتك مگيد وبيدك جامعه
يابشر مثلي حمل هالفاجعه
ومحسن اعله الكاع اشهد مصرعه
مصوبه ببسمار واخفي ونيني
ياحيدر
........
بابك يحرگوهه ضلما ياعلي
تجرت الاشرار دخلو منزلي
مابقت حرمه المحمد لا الي
ياحال اشكي الضلع لو ضي عيني
ياحيدر ياحيدر
........
ماردت تسمع ونيني من الالم
تحملت من شفتك الحيل انهدم
بحبل گيدوك مابيهم رحم
وانه مالومه وفكدت جنيني
ياحيدر ياحيدر
.....
انه الما انشاف لن شافوني
ردت اتبعك لجن ماخلوني
صحت خلو عن علي لطموني
بصوت عالي خصمك يحاجيني
ياحيدر ياحيدر
......
مني ارث الهادي الضالم خذاه
عهده وي المصطفى جن ضيعاه
يابطل خيبر ويا حامل لواه
وبنياب الغدر هم ماذيني
ياحيدر ياحيدر
........
علتي يالكرار مالها دوه
يبچي لمصابي صفه حتى الهوه
دهر والضلام من جارو سوه
ضلما ببيت الحزن نافيني
ياحيدر ياحيدر
.....
خاف اموتن ياعلي ضم العتاب
واعفي گبري لايبين بالتراب
لاتناشدني بجفاهم والاسباب
بينك تحول المنيه وبيني
......
للخادمه ام عباس الخفاجي
