وفايه وفايه
وفايه وفايه
....
ودعنا الاهل والدار
ومشينه لابو الاكبر
لا ارهاب يمنعنا
لايخوفنه نتفجر
مشينه لابو اليمه
ماتهمنه بر د لاحر
نذكر حرگة مصابه
ونذكر رجعة الخدر
نهتف بالدرب لبيك
لاتضن يوم نتاخر
وبگلب المحب يحسين
عبره ونار تتوجر
وفايه وفايه
......
اسمنه ويه اسمك انخطن
احنه الشيعه الحسينيه
نزور ونخدم ونلطم
نبجي بخالص النيه
نفرشهه الدروب الدموع.
حي الله المواليه
منا اليخدم بحركه
واحنه اهل العزوبيه
ديوان الحسين كبير
ناخذ أجره تاليه
نتلاكه الضعن مولاي
بينه الغيره عربيه
وفايه وفايه
.....
انته القلب يامهيوب
ودروبك شرايينه
صرنه دماك يالغالي
على دربك تلاگينه
وحك الرايه والعباس
وسهام بوسط عينه
ماننساك حد الموت
يبن الزهره تدرينه
لو كطعو رجلنه زحوف
كصاده اعله ايدينه
يل عالفطره حبيناك
من اول نفس بينه
وفايه وفايه
.....
شايل رأيه بيميني
بيساري ادك صدري
مترب والدموع تسيل
ا گضي اعله الدرب عمري
اعيش بموقف الخدر
حافي اعله الجمر اسري
لو قدمو اليه الزاد
اغص باللگمه من قهري
واسفه مدلل بممشاي
بالخدمه سهل امري
لكن زينب بيا حال
ردت والدمع يجري
وفايه وفايه
.....
للخادمه ام عباس الخفاجي
