ثكيلات ايامي دونك ياگمر
ثگیلاتراوننی بفراگك قهر
للعقيده حققت ليه الطلب
يل نلت بصولتك عالي الرتب
ثگیلات ثگیلات
.......
انه صرت ام البنين
اربعه كلهم حنين
ولدي ساده
يومهم ماضن بعيد
بصولة النار وحديد
عالتماده
ابني عباس الچفیل
واخوته شموس الاصیل
بکل اراده
احلم ویه اختك تعود
بيد رايه وبيد جود
ياسعاده
هله بيك يبني عباس الگمر
هله بیك شيل هالرايه بفخر
رايده بصولاتك نشوف العجب
كافل اختك والمثل بيك انضرب
ثكيلات ثكيلات
.............
يبني ضحي بهالادين
وانه مرفوعة جبين
اخذ اديه
ولدي يحمون الخدور
الفلك بيهم يدور
هاشميه
امكم انه والي دين
باربعه افدي الحسين
وللزجيه
انته صوتي ومن اگول
بيه اهد وبيه اصول
تدري بيه
الك راس بعامود يبني ينگسم
الك راس مرعوبه منه هالزلم
من تهد يوليدي هد بكل غضب
رايده تراويم مصايب عجب
ثكيلات ثكيلات
........
ولدي ياتعب السنين
ذخر لوليدي الحسين
علمتهم
نور يتلاله ويه نور
من جمال الله بدور
فارگتهم
محزمه ورافعه الراس
انه دگیت الاساس
وحزمتهم
ادری راحو مایچون
علیه فرگاهم یهون
ودعتهم
یشبان یانبع صافی الاصل
یشبان شچعان باقوال وفعل
لاتخلون الخیم تسعر لهب
ولاطفل بوجودکم فر وارتعب
ثگیلات ثگیلات
..........
یم گبر زهره انتچیت
خاطبته وهم بچیت
الی عبره
اه یا زهره البتول
بالجفن دمعی یجول
خاف اخسره
فراگ ابنچ ما یهون
اخذ ویاه العیون
بگلبی حسره
خاف بالطف ینولون
عیال ابنچ ینسبون
کله اسره
علی المای یازهره حسیت بخطر
علی المایخاف عباس انطبر
خایفه بکربلا نامو عالترب
خایفه وحسین بالدم ینخضب
ثگیلا ثگیلا
.........
یم گبر ام الحسین
ابچی وتچاوبنی انین
النه فجعه
وعد یم الطاهرین
وعدی صار اعیه دین
هایبضعه
دینی یا بنت الرسول
بنینوی اربع فحول
دین ارجعه
اربعه ورایه تطیح
فدوه لعیون الذبیح
بلایه دمعه
یزهرا ء ولدي يحمون الحرم
يزهراءوالكافل يشيل العلم
كون گلب حسین سالم منضرب
ولا اشوف الشیب بالدم ینخضب
ثگیلات ...ثگیلات
........
ادری ابنی بلایه اید
بعینه نبله بالحدید
صوبوهه
والحرم نوح وعویل
خیول ورماح وصلیل
یرعبوهه
بالخیم مستهره نار
والعقیله بهالمرار
سلبوهه
تنتحب تنعی وتنوح
ذابت من الروح روح
سلبوهه
زينب بنار الفراگ
فوگ هزلان النیاگ
رچبوهه
یروحون ولدی للحره فده
یروحون دماهم تغیض العده
یموتون وحسین سالم بالعرب
یموتون وادری دلالی انعطب
ثگیلات ثگیلات
...
للخادمه ام عباس الخفاجي
