بيچ تحيرت الاكوان
عجزت عن محاجيها
انتي درة المشكاة
ضوت من معاليها ؟
لوشمس الضوت عالكاع
نورت كل روابيها ؟
يامولد يگر العين
وبسمه بوجه هاديها
اسمج طلسم عشاق
كل لحضه اعله طاريها
يازهراااء يالاسمج تلاله
بطرة الغبشات
يالحن القوافي الكل يغنيها
على جناح الملائك
اسمج المنقوش
ياصوت الرسول الي يناغيها
يل مولدج اصبح مولد الانوار
بيه تاسست بذرة مواليها
يا كوثر الجنه وغاية المشتاق
حروفج قصص نعرف معانيها
حرف الفاء بيه انفطرت الاكوان
صارت مبتداها وهيه تاليها
وافطن للالف تبدي بلفظ الله
باركان العرش ينقش اساميها
وحرف الطاء يا شجرة الطوبى الفرعت للكاع
اغصان الامامه وردت بيها
وحرف الميم مولودج يبت يس
ليله من الفرح هالناس تحييها
واضن الهاء صرتي هيبه النسوان
سفينة نوح بسمج الله مجريها
جينه بمولدج يازهره نترجاچ
غايتنه الشفاعه اليوم تنطيها
....
للخادمه ام عباس الخفاجي
