ناديت الاصحاب. مااسمع جواب
ويه الهوه الهاب انضركم ارواح
.......
جنت وياكم بزودي دنيتي وياي
بيكم حزامي اشده وبيكم الراي
والنعم منكم صحابه وشمس دنياي
انه خليتوني وحدي تحيطني عداي
كلها مني تريد ذبحي محلله دماي تناديهم الروح. شدوهه الجروح
دمعي المسفوح.. يهل على الراح
.................
يل مشيتو وياي گعدو شوفو الاوضاع
ياخوان الصفا ردو تركو الوداع
عيني تتلفت حزينه تنضر الگاع
يل توسدتو الترايب مالي فزاع
بحرگه انادي... ردت اليردلي
وين اليوافي.. حدولي الرماح
.......
ياصحابه من بعدكم طاحت بدور
بدر هاشم عالشريعه جفه مبتور
انهدم حيلي اعله فگده الساري مكسور
والسهم نابت بعينه وراسه مطبور
متحير شلون المن يضلون
بيادرب يرحون والحادي ذباح
ياصحابه شحال گلبي طلبو الماي
شلت عبدالله وعليهم رحت عناي
صوبو طفلي بوريده ورجفت جلاي
شوغتي من بين اديه ذبحته عداي
عبدالله منحور. منه الدمه تفور
بيا ذنب مغدور. بعيني الدمع لاح
...........
ياصحابه الفاركوني بسود الايام
انه محتاج الجمعكم شوفو الخيام
بالنحر مارحم بيه اعله الصدر نام
ياثكل اتحمل انه شمر وسهام
فزعت النسوان.. دمومي نهران
مابقت رضعان راح الخدر راح
.......
يازهير جروح گكلبي بسمك تصيح
حشمت بالحر تره اني دمعي يطيح
بخيامي النار تسري تسبق الريح
عداي جنهم نوو گتلي وحرمتي تبيح
طعنوني برماح. مني الدمع ساح
اذتني الجراح حي عالذبح صاح
