ريتك عدل يابو الفضل تسمع خبر
درب اليسر نار وجمر
واحنه بخطر
.......
انه. اليحلم صباح الله يصد ليه
وخيالي تاه وي ضلمة لياليه
انه الخدري يدرس الكل معانيه
واملاك السمه صارت خدم ليه
وانته الكمر سيد البشر
راعي الفخر
...
تذكر يوم طلعتنه
يكافلني
تعدل حجابي وعالناكه تركبني
يخويه. وبسمة شفاهك تفرحني
اشم عطرك يغاديني ويراوحني
بعيني بدر. وجهك يسر احلى البشر
......
وصلنه الكربلا منها انخطف لوني
واحس مي العمه يداعب ضوه عيوني
دخبرني يخويه وين جبتوني
وكلي شلون لو رحتو وتركتوني
يخويه ولون غدرنه الزمن
يدفنك نهر
...
كمر عدنان وصار الي خفت منه
يغالي ودهري سيف الجور الي سنه
شفت شبان من دماهم الحنه
وعبدالله يعالج وايست منه
متحيره دمعي جره
وقلبي انفطر
....
اصد للعلكمي وقلبي ينازف دم
انشدك يابطل يمته الشمل يلتم
يجاوبني العميد ومنحني من الهم
يزينب ايسي مايرجع
الموزم
سهم وطبر جف منبتر
ساري انكسر
.......
ي عباس اشتكيك كلي ياحاله
حرك لخيام عيالك بين خياله
وعليل بجامعه مقيد
وانه ابراله
ومصاب الشيب رموشي حسين وفوكه كتاله
خيل الكفر هدمن خدر
واحنه بخطر
....
للخادمه ام عباس الخفاجي
