يمر عمري ليالي سنين وسنين
اضل انطر وكولن كون باجر
واناطر وانه كلي اشواگ وانخاك
اريد بشوفتك تجبرلي خاطر
اعد واحسب وامد الايد لله
وارد ادعي واصيرن بيك شاعر
اتامل واشوف ايام ملكاگ
واكون وياك للكلفات حاضر
صدك وافتح عيوني واسمع الصوت
اسلم من ترد تحلى المشاعر
صد گ وتطوف عيني بنور عيناك
اشوفن وجهك وتعمه المحاجر
يمهدي عمري فات وما بقه بيه
نقش بيه الزمن نقش الحوافر
يمن حبك ملاني وصرت مجنون
مره اخفي المحبه ومره اجاهر
اشم ذيال ثوبك كون لحضات
بعده تهون لو اسكن مگابر
تمر اعوام وانه اتامل الكاك
على دروبك صبح اسمي مسافر
اريدن تاٌمر واسمع حجاياك
واصيحن عل امر مولاي تامر
يغالي اضهر تراها الروح ايام
اضن الربها اشتاكت تسافر
اصبره واكول يعود بهداي
لجل حبه يروحي خل نناطر
يقائم ال هاشم هامت الروح
عجل بالفرج جيتك بشاير
.....
للخادمه ام عباس الخفاجي
