انه الما هب هوه وحرك ذيال الثوب
ولاشفت الشمس لاضنها تعرفني
انه ام الخدر وبستري تحجي الناس
عمة هاشم انه وربي كرمني
صفيت بكربلا والخيمه تسعر نار
وعيون الزلم نيران تلسعني
صاحو بت علي طلعت تدور حسين
بذيالي اللهب والهضم كاتلني
و بگلبي صفن چم حسره وشجم اه
مصایب عاشر ثگیلات يلوني
انحب للخدر وانه عزيزة گوم
لو انعي الجفيل الي تجفلني
لو انحب على بدور الهواشم واون
على ذاري الارض دماهم تصدعني
المن انعى انه وانتحب هاليوم
شفت اطفال هاشم حالهم هدني
لو انضر بنات الال بين رجال
مرعوبات ويركضن يحشمني
كلها تهون يالغالي يخويه حسين
بس مصاب نحرك خويه صوبنيي
ادك والطم واكول الراح ماله رجوع
واحشم ياعليي وبالصوت يضربني
لاتضرب اكله بت علي الكرار
يزمخ بالحجي ويرجع يشتمني
شلال المصايب يصب فوك الراس
حرمه ووحيده محيره بضعني
وين الشيعه عني من ولوني الكوم
يشوفون الزجر بحبال يسحبني
سلب مني عقد امي الزجيه الجان
مهر من الوصي ولن ينسلب مني
اعاين للتجره وتوج بيه النار
اصدن للنهر عباس جن عباس
والحاله واشد عنكم خذوني الكوم
امشي لليسر ممشى الدرب شيبني
