يا اجمل حلم طر غفوة الشوگ
يبعد رويحتي الماعاد تلفيني
وين حسين عني بعدته الايام
ادور وين بدري الكافل سنيني
يمن صرتو حلم يتراوه بين العين
تهت بدروبكم ياهو اليدليني
افز اعله الهضم واتسلى بالحسرات
وجمر فراگكم كلسا يجويني
جيت من اليسر واتامل تعودون
وترد ارواحكم بيكم تگر عيني
لجن وسفه والف ياحيف يالخوان
اشوف گبوركم هيه التحاجيني
صرت مثل اليلگط الحب الگط هموم
كل لحضه الگبر حزني يوديني
شفت كبوركم من عندي تاه الراي
صحت حسييييين واسمع جن يحاجيني
يكلي اهدي يزينب بالج تونين
كل ونه بجرح خيتي تلجميني
اگعدي كبالي خل نسولف انه وياج
عن درب اليسر ياحره خبريني
مايطلع كلام من احجي ويه حسين
طلعت روحي وتكطعت شرايني
.....
للخادمه ام عباس الخفاجي
