زينب دورت عباس
وين الي طفت عينه
خويه هجمت الارجاس
المن تفزع سكينه
المن تفزع سكينه
........
دهري ليا وكت ذبني
وشعملت ايادي البين
وحدي محيره بنص جيش
عدوك سب ابو الحسنين
اشوف حسين عالغبره
ومنك طاحت الجفين
واعاين طشت الايتام
واحنه الخوف والينه
واحنه الخوف والينه
......
خويه اجمعت اطفالك
اعاين ما بقتلي خيام
وحدي بلا اخو ضليت
كفيله بالحرم وايتام
اصد للمشرعه وناري
توجرت والگلب مهتام
خيامك خويه حركوهه
عيون اعتاك جنها سهام
لذنه بالعبي عباس
مامش ساتر علينه
مامش ساتر علينه
.....
عباس الحركني بنار
شفت الروس كطعوهه
اهيل تراب فوك الراس
من عالرمح شالوها
الوجن والطم اعله الراس
واطفالك ينضروها
واشاهد نضرة الشمات
جن روحي ينحروها
شحجيلك يخويه شصار
كلها تشمتت بينه
كلها تشمتت بينه
......
صعبه علي يامغوار
عليه اشرت الارجاس
شوفو بت علي الكرار
شافته عموم الناس
اخوها حسين سلبناه
وكتلنه البطل عباس
وعيون الشماته تدور
اكابر مابقه احساس
اون بخفيه وبعبره
واللهم عين تاذينه
....
خويه بدمعة الامي
وسنيني البقت يمكم
اودعكم وانه بلا روح
وشلون ابتعد عنكم
رغما خويه يسبوني
والحادي يشتمكم
مرنه اعله الجثث عباس
يدمي الگلب منضركم
لطمت العين وبسكته
احشم انهض علينه
احشم انهض علينه
....
من همي وصلت الموت
يضيغم انه ضربوني
دمعي من المحاجر سال
اسمعهم يسبوني
واحبس دمعتي بالموت
ماريدن يشوفوني
انه بت علي الكرار
ماكدرو يكسروني
ونار العطبت گلبي
من خصمك حده بينه
من خصمك حده بينه
......
للخادمه ام عباس الخفاجي ،
