زينب زينب
گربت منيتي وهاجت الامي
......
ابجي واون بسكوت
والدمعه بالعين
وحدي ولفاني البين
وين الاهل وين
عزي ودلالي الراح
وي طيحة حسين
كل يوم اشوف الموت
ومشاگف البين
سنيني ونيني
انه العقيله الضاعت احلامي
.......
عمري الگضه بالاه من فاركتهم
جمره وتشب بالروح لن ودعتهم
انه بفراش الموت واحلم شفتهم
من عيني تجري دموع لو عاتبتهم
لوني ......لوني
لوني تغير گربت ايامي
......
ياعازة الوليان عازتها عازه
منهو اليصيح اليوم اعله الجنازه
حك من ينادي بصوت فاكد عزازه
والينصب الصيوان بيه يتعازه
وحيدي وحيدي
وبفگد اخوتي انختمت اعوامي
......
لا اهل لا خوان لا ولدي عندي
نامو على التربان خلوني وحدي
منهو الينغر العين وبنعشي يحدي
يوسدني عالتربان يحفرلي لحدي
وينه وينه
خويه الحنين المنذبح ضامي
......
حگ یابدر عدنان منک اطلبه
تبچی بدمع مدرار لجلی تصبه
تقبلها اموت بشام تدفني غربه
ياكفلي بلياك هالحاله صعبه
ويلي ..ويلي
گلبي اعله فكدك ينزف ودامي
......
للخادمه ام عباس الخفاجي
.....
