دموع العين عالمهيوب هلي
والي تراب الحزن عالراس هيلي
راح الذي يمرحب يهلي
رحل حيدر علي من غير جيه
.......
الك جرح النزف بويه ولا شل
حسافه من البشر حيدر علي شال
مصابك طيح متوني والي شل
يبويه وانهدم حيل العليه
.....
حسافه تنطبر ياشيخ الابطال
في الناس ناصي وفي الاب طال
علي طلة محنه هالابو طل
اشوفنه وتوافيني المنيه
......
ليل الناس مده وانه الي دوم
تبجي الناس بالدمعه والي دم
هضيمه ينكطع عمرك واليدوم
عمر الي غدرك صعبه عليه
......
يمن شخصك صبح ايه ووسيله
اهل الظمع عالوالي واسيله
يحيدر والدفن رايد اسيله
شحال النام بتراب المنيه
.....
شلون الكاع ضمت بويه شمساك
عن اهلك وحيد اليوم شمساك
منته التحضر الاموات شمسك
لميت والعدل تضوي سويه
....
لون ساعة زمن بويه تردلي
اضمك يالابو واحجي وتردلي
ايام الزهرن بغيابك ترد لي
وبفكدك انه شفت الاذيه
......
منته التنطبر ياعلي وسفه
انه تراب الحزن الهم وسفه
عليك من البشر تجرت اسفاه
ماراعت حرمتك بويه بيه
.....
للخادمه ام عباس الخفاجي
