يولياني نعاكم گلبي والعين
مشيت ويه اليسب بيكم ويلعن
مصايب عالگلب صبن ويلعن
من همي البست ثوب المنيه
......
يشحم العين حزنا سال مني
وليالي فراگگم هالسالمني
ما ضل من عگبكم سالم مني
راح الحيل من هم العليه
.....
حل الموت واديه ونادي
اجر حسرات للجافل واناديه
ردت لجنازتي اصرخ ونادي
ماتت بت علي بهاي المسيه
.......
تون الروح وترابي لهله
تسجت زينم تحشم لهله
على العافوني دمعاتي لهله
اموتن من يسد الحد ليه
.....
انه دلو الهضم للحد يدلاي
اريد اخوتي تفزع بيد لاي
تشيع جنازتي وللكبر يدلاي
يدفنوني وينصبولي عزيه
......
ليال الطف بنت حيدر لونها
بفراش المنيه تود لونها
يمر يمه الاخو ويسمع لونها وينغر العين بموت السبيه
.......
ليال الطف بنت حيدر لونها
بفراش المنيه تود لونها
يمر يمه الاخو ويسمع لونها وينغر العين بموت السبيه
......
تنز جروح كلبي وانه المهه
عفاها الروح تحملت المهه
وحيده حشمت حيدر والامه
تكلهم وحدي بفراش المنيه
....
للخادمه ام عباس الخفاجي
