شحلات الوكت لو نتلاكه وياك
تتلاكه النواضر باليحبونه
شحلات اللحضه لو نسمع حجاياك
مثل صوت البلابل من يسمعونه
ترة العشاگ مو بس كلمه بشفاه
عمرهم للمحب فدوه ينذرونه
يمهدي واحنه الك كلمة عشگنه تهون
على دروبك نذرنه ارواح مرهونه
بعنه الدنيه كلها وردنه بس ملكاك
خي عون اليشوفك تفرح عيونه
وحك جدك نموت وبس يمر طاريك
نعيش ونحيا لو اسمك يذكرونه
يبو صالح صرح حبك علاته هواي
يد گ باب السمه واكثر يعلونه
يعطر الزهره يا نفحة علي الكرار
ياثار الحسين الي يذبحونه
ياشوگ الموالي ولهفة الحيران
الي بالهوى صارو يلومونه
يا قصة مسامر تحجي بيه الناس
ياذكر الاحبه المايملونه
.......
للخادمه ام عباس الخفاجي
