بعد ابو ابراهيم شلي بالعمر
صبن دموعي على خدي جمر
خلص صبري وين بعد الگه صبر
وشلون يا طه ينزلوك بگبر
.........
بعد ابو ابراهيم ذابت مهجتي
ليلي ونهاري اون من حسرتي
انت السبع الشداد الونتي
من بعد طه بحزن اگضي العمر
.......
يارسول الله ينور عيوني
بعد عينك العده روعوني
على خدي كامو يسطروني
وانه نار جروحي بويه تستعر
......
بويه بعدك عشت بلوعه والم
جرح مصابك جرح گلبي انلجم
وانته المعروف يا سيد الامم
يون جرح مصابك اليوم الحشر
......
مسجدك خالي صبح يالمصطفى
نور النهار اخلافك بعيني انطفه
لاهناء بعيش بعدك لاصفه
صفت بعيني البواجي والقهر
.......
بويه رايح وين عايفني اون
بعدك ابني دار للون والحزن
خلافك ايامي عسى لا طولن
الفركه صعبه ونفذ من عدي الصبر
............
يا ابو ابراهيم ينعاك الفلك
انته رب الكون النه ارسلك
للهدايه وخير رحمه عترتك
اخلافك دموع الهضم مني انتثر
......
حكها هلت دم عين ابو الحسن
عكب ابو ابراهيم لن شافت محن
ضلوع زهره اليوم منه وجرن
ضجت الافلاك يا سيد البشر
.......
العرش واللوح نصبن لك عزاء
لبست اسود بويه اركان السماء
حتى حور العين تجهش بالبكاء
وانه لافراكگك ترى گلبي انكسر
.......
يانبي الرحمه سيد المرسلين
عداك بعدك سگطو مني الجنين
مارعو حرمة محمد يالحنين
بنت سيد الكون خده انسطر
......
يتموني من الصغر يا سلوتي
عداك مارحمو شبابي وهيبتي
كسرو ضلوعي او سطرو وجنتي
وگيدو حيدر يبويه اهل الغدر
.....
من بعد عينك يبويه انضرب
شنو العدوان اعلينه الحرب
ضل ابو الحسنين وحده ويه الغرب
غربه وامحان وانه انعصر
...
