لك دعائي..... يا رجائي
الرايه والجفين... سهم النبت بالعين
لك دعائي
..........
محتوم بفگدك تفجعني
ماصدك ترجع هيهات
مودع گكتلك يالغالي
والخوف بدلالي يبات
معطوشه اطفالك واسمعني
تطلبنه اعداك بثارات
خذ لوائي.... للوفاء
اطفالك الباكين.... انظر دموع العين
لك دعائي
...........................
شايل راية حيدر بيدك
تودع گلبي الحزنان
انظرلك وانه بيا حاله
تتركني بين العدوان
تصرخ روحي عباس ارجع
لاتهدم حيلي التعبان
مو بس انه احزن لجلك
تحزن وياي الاكوان
ياعزائي......... في بلائي
لو صوبولك عين. وانگطعت الجفين
لك دعائي
.......................
ياعباس تلوگ الرايه
ليدك من ايد الكرار
مرت بحروب المدميه
حملت احداث واسرار
ماغيرك يگدر يرفعه
ويواجه بيه الاخطار
تتخلد بيمينك رادت
وتخط دروب الاحرار
ياضهيري.... من ضميري
هاذا اخي عباس. قد قاوم الارجاس
لك دعائي
.................
بحدود الشط سجلت اسمك
رفة بي اية توضيح
جسدت العزه بتصريحك
للثوره يصير التصريح
الكافل لو هز الرايه
من رفتها تهاب الريح
انه حسين وبيك اتفاخر
دمك قرب الشاطي يسيح
انت ذخري.. جل فخري
لو ضاكت الايام.. تحشمك الايتام
لك دعائي
....... ............
ياخويه اضمنلك زوارك
تتوافد ليك الزوار
بيديهم راياتك تعلى
بفضلك صارو ثوار
احنه الاسسنه الهالثوره
باسمي واسمك طلبو ثار
ثبتنه اركان الحريه
من وجت بخيمنه النار
يبن حيدر... فيك افخر
باالنجر والجفين... ثبتنه راية دين
لك دعائي
...................
ياكافل زينب احضره
بعدك يسبوهه الضلام
ادريك موزم بالكلفه
عالجور عيونك متنام
لو حشمت بيك ولو فزعت
ولو فرت مرعوبه ايتام
لو گطعو نحري وناديتك
وبكسر ضلوعي الالام
ياعضيدي.. في وريدي
اسمك كتبته حروف
يل بالوفه موصوف
لك دعائي
...
للخادمه ام عباس الخفاجي
