اليله انولد من هاشم بدرها
وامه تفاخرت يرضع بدرها
عباس البطوله هو بدرها
كطع لكماط من شاف العقيله
........
هوسه
......
اجت ام البنين وشايله العباس
تبسم حيدره ومنه ارهف الاحساس
شال النعمه بيده وخله فوك الراس
تشكر لله تشكر
للعباس يبوس ايديه
.....
للاكبر
....
غصن من ال هاشم فتحت وروده
شبيه الهادي فرحه اليوم مولوده
اخذ كل الخصال وهيبة جدوده
(واليوم الطف يضمونه )
.....
كل اهل الجنان تزينت والحور
فرح گلب الحسین بمولده ومسرور
من نور النبی وارث هذاك النور
(يشبه هادينه...الاكبر وجها ينور)
.....
طاووس الجنان وخاتم العتره
امر من الله يضهر واحنه ننتضره
اليله بمولده الاكوان متبشره
نبارك والله نبارك ..
لليلة مهدينه
.....
ابن العسكري نولد هاليله
اجانه المنتضر ليعدل الميله
نصف شعبان اجانه واحنه نحييله
(نرفع راياتك مهدينه)
........
بيك تبشر المرسل والكتاب
والك حن الگلب يعشك والك تاب
يمهدي بالورق اكتب ولكتاب
يمته والمحك يبن الزجيه
((بدلالي ساكن يالمهدي ))
......
للخادمه ام عباس الخفاجي
