اليله ليلة حزن ارد اكضيها
اندب انه المجتبى واحييها
....
اليله احييها بدمع سيل النهر
رابع أصحاب العبا حيف انغدر
حسين يبجي عليه ينعاه الكمر
راح بحر المكرمه وساجيها
........
جعده ياويلج تسمين الحسن
هاذا نجل المرتضى والمرتهن
زينب تنادي شعمل بينه الزمن
ضاع والي الشيعه وحاميها
......
منخطف لونه وجيده بالطشت
والحسين يعاينه وقلبه يفت
اه خويه الحالتك والله ذبت
شحال أمنه يالاخو بغاليها
.......
الطشت غطوه زينب من تمر
خافن تشوفه وقلبه ينعصر
كم طشت بالشام اله ينتضر
اتخبروهه اخاف عليها
.......
ودع المضلوم وحسين انفجع
يالدواك هواي لكن ماينفع
شلون ارجع جبدك البسم وكع
من يخبر زينب يواسيه
.......
رادو يدفنوهه يم جده الرسول
هدت الوادم ومنعوه الدخول
ما رعو حرمة نبيهم والبتول
وبالسهام الجثته مصوبيها
.....
سهام صوبوه على جثة الحسن
ميت وماحس بالمهن لو اجن
لجن سهام الطفوف اليوجعن
دمع بالطف للحسين اجريها
.....
للخادمه ام عباس الخفاجي
