هاذا انه رقيه بويه حاجيني
راسك بالطشت وانه اعتله ونيني
....
اسجب دمعتي واشكيلك احوالي
يوم الي عفتني الوحدي يالغالي
حرگو خيمتك والنار بذيالي
وانه اتنطرك ترجعلي يحسيني
.............
بذيالي اللهب مرعوبه واتعثر
تهت أبين حافر
خيل والعسكر
لن واحد سطرني وخدي صار احمر
جر اقرا طي ودمايه تغطيني
....
اني الي جنت بفياك مدلوله
لحضات وصفيت وحيده مذلوله
صحت حسين روحو عني احجوله
بلكي يعود اليه وشوفه يرويني
.......
اشكيلك يغالي عمتي بيا حال
تجمع بينه كوه والدمع همال
اول مره اشوفه بوسط الرجال
وجن ونها يبويه هيج ونيني
....
جتفونه بحبل وحبالهم خشنات
ما تحمله ايدي بويه لن ترفات
خوفني اليالي شلون بيه نبات
يالغالي رحت يلي تسليني
.......
مشينه بدرب محتاره ادورك وين
شفت راس برمح بس ما أوجد زين
لاحاشه تكون انته يبويه حسين
صحت وينك يغالي من يباريني
.....
نومونه بخرابه مظلمه ووحشه
بجيت اليل كله الحد ندى الغبشه
جابولي طشت حسبالي اتعشه
يأمر شهكتي من شفتك بعيني
.....
خدي توسد خدودك المدميه
اشهك واحضنك ماضل نفس بيه
اخذني وياك ياعمري وتاليه
اريد ياحنين ايديك بيديني
.....
سوه هالموت اخذنه ورحت انه وياك
يابويه العمر مايسوه شي لولاك
اعرف ماترد ارد انه اجي وياك
وببوسة جبينك اختم سنيني
.....
للخادمه ام عباس الخفاجي
