نعي لسان حال الحسن
.....
دغطي جيدي البطشت خويه دغطي
حنينه اختك واخافنهه تصد ليه
....
الحسين ع
...
متنلام يالحسن خويه متنلام
تراها طشوت تنطرهه بالشام
...
دخلت زينب
...
علامك ينور العين يالغالي علامك
لونك منخطف جن گربت ايامك
..
الحسن يوصي بزينب
...
قريبه زينب عالگلب والله قريبه
وين الي يتكفله الغريبه
.
يجاوب العباس
...
دكيت صرد انا التكافل ودكيت صدري
انه افدي زينب بروحي وعمري
...
تدمع عين الحسن يخاطب الحسين
....
هانت مصيبة جبدي السموم هانت
واضن منيتي الساعه حانت
ارد اشمك يخويه احسين اشمك
واغفه بين وجناتك ونحرك
....
تمهمل دموع الحسين
...
يكله لاتغفه اعله صدري أريدك سند لاتغفه اعله صدري
بعدك يالحسن شلي بعمري
...
الحسن يوصي
...
وصيتي عد جدي اندفن خويه وصيتي
منيتي عطره يوصل الكبيره منيتي
....
عند الدفن ضربوه بالسهم ومنعو دفنه عند جده والحسين يخاطبه
....
بسهام يبن الزهره هالسوبوك بسهام
الايام وشلون دارت بينه الايام
وعد جدك يخو منعو تنام
....
غضب الكفيل
..
يحسين خلني الكوم اردهه
ورگابهم بالسيف اعده
..
يمنعه الحسين ويقول
....
اعله هونك يابطل لاتهد عالكوم
ضميتك النه الصعوبات الحتوم
الك يوم يبو الغيره وعلى المسناة الك يوم
ااااه ااااه اااه ينار زهره وباقي اهله
....
للخادمه ام عباس الخفاجي
