عالثره محبوبي نايم
و سفه يا ابن الاكارم
ياجنوني ياحسين
يا جنوني ياحسين
.........
ارد اكصد انه المحبوب دمعي اسجبه
اللطم ووسم الدلال ضربه اعله ضربه
يحسين الك وسط الروح مجلس انصبه
والمذنب بعشگك صار ينغفر ذنبه
انته شمسي انته شمسي
ياحبيبي ياحسين
.........
امشيلك وما فيت والفرگه صعبه
انسه الاحبهم يحسين وانته الاحبه
بس انته اعله البال
والباقي اذبه
اهواك اضل حد الموت هذا الاطلبه
ار د اهل دمعاتي وابجي
يم ضريحك اكعد احجي
انته حلمي انته ياحسين
ياحبيبي ياحسين
....
دمك ما بين الاكوان يتلاله دمك
جن وانس يالمضلوم تحيى اعله حبك
اصبح قضيه وعنوان يالغالي اسَمك
عالفطره نكبر ونسير كلنه اعله دربك
ارد اشد حزامي وامشي
ما رايد من الدنيه كلشي
انته قصدي انته قصدي بكل حنين
ياحبيبي ياحسين
....
امشيلك بدمع العين رأيه بيميني
جرتني ليك الاشواك جرني حنيني
ماشي اعله دربك يحسين
تشفع يقيني
دونك النيه الدنيا ضلام
وياك احسن بالسلام
عشك عمري عشك عمري
اعله السنين
ياحبيبي ياحبيبي ياحسين
.....
للخادمه ام عباس الخفاجي
