توسدت المنيه بليله ضلماه
ماضن بجفون العين ضل ماه
يبويه وما بقه من الناس ضلماه
بجه لمصيبتي وانه الزجيه
.......
يمن ماشفنه گبرچ من وعينه
اريد الينعه ويايه وعينه
وحگ الصوبو جفه وعينه
انعى وما تضل كل روح بيه
.....
مثلي مانعه ناعي ولا ناح
ودهري سدد دروبي ولاناح
بصبري ماصبر ادم ولا نوح
بعد المصطفى شفت المنيه
.......
يزهره الوكت هل عنج بعدنه
امنا بحاجتج والله بعدنه
عن عين الخلق گبرج بعدناه
شكثر من هالبشر شفتي اذيه
........
انشف دموعي يالزهره وتهل دم
وانه الحيلي على فراگچ تهدم
مثل البحر روحي تهد دوم
خوت وانهدم كل حيل بيه
........
البضعه الهضم صاير وردهه
بنت المصفى ذابل وردها
من ايد الموت لاخذهه واردهه
حسافه تموت شمس الاحمديه
......
انه الماشفت من عمري بس مر
نابت بالضلع يالهادي بسمار
صحت بويه عليه بطيف بس مر
بعدك يالابو شفت الاذيه
.....
للخادمه ام عباس الخفاجي
