على طور يادنيه لمرتضى حرب
.......
ياحادي ضعني الكربلا ودي
عندي امانه الكافلي تمر بي
عندي بقت جفينه والرايه
نزلني اريد امشيله عنايه
.......
اوصل لعد المشرعه البيه نهدم حيلي
اكعد واسولف بالجره يمك بدر ليلي
جيتك انه اسمعك عن حالك احجيلي
واحجيلك انه تيسرت محد يباريلي
ارد اعتني وافتح انه كبره
وجفوفه ارده واجذب العبره
شلون ارد الراس والرايه
نزلني اريد امشيله عنايه
ياحادي ضعني الكربلا ودي
........
ارد اوصل الجاري النهر واعلكله شموعه
كل شمعه اضويه بحزن والروح موجوعه
ارد اعلگ العينك شمع ليدك المكطوعه
لو طبرتك لو رايتك كلهن فرد لوعه
ياحادي دليني بكمر عدنان
واغفه اعله طوله انثر التربان
بعده ارد اگله ماكو وفايه
نزلني اريد امشيله عنايه
ياحادي ضعني الكربلا مر بي
.....
اسمع ونين من القبر تهل اله العبره
يكلي يازينب هله يابضعة الزهره
اسمع يكلي بحالتي رحميني يالحره
عن السبي لا تخبري گلبي نفذ صبره
تدريني مرهون المسنايه
بيا ايد الشيل الجود والرايه
عندي امانه الكافلي ودي
........
كتله اسولف عن يساري ارجوك لا تحزن
مدللاتك يبو فاضل بعدك انضربن
شاهد يوالي من السياط متوني يتوسمن
چان ضني وياك ارد ياوسفه خاب الضن
وياك ارد لديار اهلنه اردود
يشابك خيالي رايتك والجود
والضعن يشرب من عذب مايه
نزلني اريد امشيله عنايه
.........
عيني ترابي للنهر وانه بضهر ناگه
بلكي اشوفن كافلي وتاليها نتلاگه
عباس اخويه وانفجع دلالي بفراگه
من ناگتی سندنی ارد انزل
حشمت ومني الدمع يهمل
رديت الك ياخويه وهنايه
نزلوني اريد امشيله عنايه
...
للخادمه ام عباس الخفاجي
