حي الله اصلج من يمر طاريج
نحني لروس لسمج لو يمر ذكره
يا ام البنين وزوجة اليعسوب
يا ام البدور البا لسمه منوره
يانبع الوفه وفيتي للزهراه
حقها بدم بنينج عين والطبره
يامن عشكتي حسين حد الموت
وبنيتي گبر تشبيه ويه كبره
وكضيتي سنين عمرج لجله تونين
وسكيتي الكبر عبره باثر عبره
يمن حبج الصادق تحجي بيه
الناس
حب عترة محمد حب على الفطره
يل سفرة مرادج ماترد طلاب
يتشافه المريض ويستقر امره
يمج تنقضي كل حاجه للمحتاج
والمديون دينه ينقضي بنضره
والرايد ضنه يحشم يام عباس
يلكه وليده بيده وروحه منسره
ونشد العلك باسمج يام الزود
ونواجهه حروب برايه منتصره
ماننسا المواقف وحدج يعوفوح
راحو للسبي وتحدد المسره
ومانسسا المواقف من وكف عباس
يتوادع وصيتج جانت الحره
ماگلتيله ارجع والبنين وياك
وصيتيه باخوه يكون طوع امره
كلتيله خواتك دك خيمهن زين
لا واحد يصد عليهن بنضره
تراهن مابشر لامح خيال اوصوت
لن فصلن عبيهن من عبا الزهره
واريدن تجهب الاطفال بالماي
اخافن بالعطش تكتلهم الحره
واگلگ یابطل لو ينفرد لحسين
تشوف الجيوش عليه متحضره
هاي الشيله شده تحزم اعله الموت
كطعه الجفوف واحمل الطبره
لاترجعلي عايش والشبل مطروح
بياعين اواجه فاطمه السهر
بالك تهوه منك رايتك عباس
ماريدن اشوفن زينب بحسره
الله وياك يبني روح لا مردود ناذرتك نذر للجثته موذره
و ابني كبوركم بس لا تضن انعاك
انعى البيد فاجر ينكطع نحره
