منهو الگال موسى مقيد ومسجون
كلنه بالسجن والحر يسمونه
حاشه نور ربك يحبسه سجان
قران النعرفه مايسجنونه
صح طاموره هيه وحسبو يذلوه
صح ثگل السلاسل ذوب متونه
سجن جنه بوجوده وسعت الكونين
ابن زهره سكنه الكل يعرفونه
بسجنه ويدير الدنيه بالاحكام
بحر المكرمه والكل ينهلونه
راهب ال هاشم ماتحده حدود
ملائكة السمه نزلو يخدمونه
اسد والله اسد منه تهاب عداه
مرعوبين منه شما يقيدونه
صح منه الجسد متعوب بالتعذيب
صح طاموره ضلمه طفت عيونه
لجن هوه الشمس مايحتاج مصباح
من قعر السجون الضي تشوفونه
اسد بغداد من عده ثلث تنعام
يحضر ساعة البيها يطلبونه
لاتضنه جسد فوك الجسر مطروح
عرش الله النزل عالجسر تلگونه
اله بوسط القلب هروش مصبوبات
من الله الخلگ كلهم يعشگونه
كل ضنهم بسمه جن يموت الدين
احياها الشريعه بغمضة عيونه
تشوفن شيعته حفاي متعنين
باللطمه ودمع ركضو يشيعونه
يشيعه جنازته شيلوهه بهداي
وسيعه جروح قيده لاتلجمونه
مرطب هالسجن جلده ترف ياناس
من رض السلاسل لا تشدونه
عزيز الزهره اعلى الجتف خلوه
نادو اعله الجنازه من تشيعونه
زعيم الطائفه مات بسجن هارون
حگ ناخذ بثاره من اليكتلونه
....
للخادمه ام عباس الخفاجي
