نرجع الراس الوالينه
يحادي النوگ اكصد بينه
نرجع الراس الوالينه
....
مر بينه ولا تكسر خاطر
فاركناهم يوم العاشر
نشكيله بحالته شصاير
و يانتلاكه يا حادينه
نرجع الراس الوالينه
....
جينه من أرض الشام بعبره
يم گبر الي داسو صدره
ردنه نرد الراس النحره
ونتامل منه يحاجينه
نرجع الراس الوالينه
....
بياحاله نبدي ونحجيله
حرگ خيام وسبي العيله
لو عن الشام انه اشكيله
لو بالمجلس دخلو بينه
نرجع الراس الوالينه
......
نحجيله مصاب المنحمله
ضاعت من عدنه شكم طفله
ماتن من الضيم نكله
ندفنه اطفالك بيدينه
نرجع الراس الوالينه
....
صاحت زينب يبن الزهره
ضيعتك والمدمع يجره
بدلالي نيرانك حسره
من بعدك ياحاله سكينه
نرجع الراس الوالينه
....
وعل الشاطي نريدك ترجع
ندفن راس وجف مكطع
متاملين الدنيه الكافل يرجع
ونتعاتب ويا خلينه
نرجع الراس الوالينه
.....
يانار الشبان الكبره
عفناهم نيام الغبره
ناس مكطعه وناس موذره
منهو اليمهم يوصل بينه
نرجع الراس الوالينه
.......
ندفن راس حسين بكبره
ونشم من المنحر عطره
نودعه بشوغات وعبره
عاشر لوعاته ترد لينه
نرجع الراس الوالينه
......
للخادمه ام عباس الخفاجي
